Lukat 3:3 - Ala Wone Peenok Peebi Mbanak

³ Manabi wage kagak, at Yaya nen aakumi yorage logonet, “Kinomaluk lek eerogo pinagawak nduk, maluk eeko monggotak nogo kiniki koombunuk, mbo pinip o. Mbo pugwi kiinok, yiime wuppinagarak o,” yinuk, wone ti, niyo Yoraran ene-yi yoranet nege nagagerak.

Lukat 3:3 ပူးပေါင်းရင်းမြစ်များ

Matiyut 3:11

Kit kiniki koombunuk, kinomaluk mbo pugwi kiinok, yiime wuppinagage minggirak aret kwe, at ambi nambo'me woraagin nogo perak, Aberiniki inom, kani inom, kinoba pinagi woraagin me, at aap nggwok aret o. Ndi, an mbuuluk me, an nen at iyogogut nggerenak piiniyak meek o.

Lukat 1:16

At nen aakumi Iterali mendek apit aret yungguninuk inogoba Ala owagam ka woraawak nduk, eeppiige logogin o.

Lukat 4:1

At Aberiniki nogo Yetut inikime mondok liinik kagak, yi Yoraran aa'nggi paga nen wage me, Aberiniki nen wonok karume aakumi lek me time nagagerak.

Yaya 1:28

Wone ti yoragagerak nogo ti, at aakumi yiime wuppiige nagagim niyo Yoraran enebaga o Mbetaniya nogome logonet, yoragagerak.

Yaya 3:26

Alelo wappunuk, Yaya owagam wogo nogogwaarik, at yogo logonet, “Ngguru wae. At kimbirak yi Yoraran enebaga logonet, abok paganogo yoragagindak nogo, niyome wuppiige me, aakumi apit at ka nogo agaarik o.”

Nappiigak 13:24

At Yetut nogo awo woraakit nduk eeke kagak, at Yaya nen it Iterali mendek abok aret yorage logonet, Kit kinomaluk ti, kiniki koombunuk mbo pugwi kiinok, yiime wuppinagagin o, yinuk, yorage nagagerak.

Nappiigak 19:4

Yogo mbareegwa, at Pawulut nen, “At Yaya yiime wuppiige nagagerak ti, inomaluk mbo pugwi iinok, yiime wuppiige nagagerak o. At nen aakumi ambik yorage logonet, At an nambokan woroorak ti, kiniki oba panggombunuk abet mbako logonip o, yorage nagagerak ti, Yetut aret o.”

Nappiigak 22:16

Ndi, yogondak komaluk nogo kogoba kookkabuwak nduk, mbet-mbet yoru o. Yiime wuppagawam, kiniki yungguppegak eerugun o, yinuk, yo'nereegerak o,” yoragagerak.