Lukat 3:14 - Ala Wone Peenok Peebi Mbanak

¹⁴ Yorage mbareegi, it aap yigin unde nogo nen at yogo logonet, “Ndi, nit kunduk, nonggop eeruwi o?” yogo mbareegwa, at Yaya nen, “Aakumi inageerok wokkiraawak nduk, kinoone omaawi paga yoroorak ti mage o. Ndi, pilit wone aakumi inoba piyoorak ti mage mban. Ata, yabu eekwi onggo wokkirogwe iinok, Yi ndak-ndak aret wo'niraga, yinuk, waganggo logonip o,” yoragagerak.

Lukat 3:14 ပူးပေါင်းရင်းမြစ်များ

Wundeegwaarak 20:16

Kit kinore ambi eeremenggerak kinigen liirogon koolik kagak aap owak loongga pilit wone inom nabenogo yoroorak mage o.

Wundeegwaarak 23:1

Yoge nagagerik, Iterali yoraawak nduk, Muta ambinom yoge logonet, “Wone pilit wone yugu kagak wiganit nogo logorak mage o. Aap ambi abet aret maluk eeremenggerak kagak, Eerulik o, yinuk, aana'le mbaniyak mage o.

Ala Unde 19:11

It Iterali nen yogoot ambi waganggwi, aakumi inambokan laganggwi, inoone pilit yogwe, eekak yuurak mage o.

Matiyut 8:5

Ti'nuk, at Yetut o Kaperenawum unggwi wagagerak wonage me, it aap yigin unde inowe ambi Yetut owagam wage nagagerik, nggino yoge logonet,

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”

Lukat 3:10

Yorage mbareegi, aakumi apit nen, “Togop kenok, nit nonggop eeruwi o?”

Lukat 3:13

Yogo mbareegwa, at Yaya nen it yorage logonet, “Kinogobamini nen, Wu ndogop aret kuwak eeko logonip o, yokkirogwe nogo mban aret kuwak eeko logonip o.”

Nappiigak 10:7

At malayikat wone yoreegerak nogo nage kagak, at Koreneliyut ayeloman mini mbere inom, at awot yigin unde Ala agabiti mbake logonet, Ala wone liirogon eeka mendek ambi inom, “Woraawak o,” yinuk, wiiragagerak wogo mbareegwa,

Pilipi 4:11

An yi mendek ndi mendek abok aret noba age kagak, niniki ugun tayenak logorak mamunggolagagirak me, an namendek lek kenok, “Ambi wo'negabok eekaarak ao,” yinuk, yokkirage lek o.

Titut 2:3

It kumi inanggok ti, it eeko menggaarak liippunuk, Ala ayuk wuko logonet, eeko logowak nduk, aap inanggok yoroorak yokkigirak nogo ndak-ndak aret yorage logot o. Inambe irip paga wonok nugwi, amburu kumili aganake mendek ndonggorogon nunggwi, ti eeko logorak lek o. Ata, wone abe wone kenok mban mamunirogo logowak nduk, yorage logot o.

Wayu 12:10

Mbelenogo wuppiya wogo mbaka, oone nggwok ambi mbogut paga nen ari logonet, “At Ala enggaanom paga ninoreewi Ala apuri ko'lu-kii'me pilit wone inoba piige menggerak nogo, muk wuppi wagaarak me, At Ala omaawi paga Tile tebenogo punuk, apuri inagap ndake, Ninogoba Ala nen it yi aakumi ndi aakumi abok at abu'me piige, Ndi, Kinowe endagembogut yi aret o, yinuk, leenogo pereegerak Keritut nogo, oone mban konenggwi, Eeke logorak eyom ari waga o.