Lukat 3:1 - Ala Wone Peenok Peebi Mbanak

¹ Aap Kayitat Tiberiyut endagembogut a'nuk, wone lengganogo yorage kagak, tahun 15 eeke eyom paga aap Pondiyut Pilatut o Yureya gubernur aret wonage, ndi, aap Keroret o Nggalileya unde wonage, ndi, aap Keroret awuluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak.

Lukat 3:1 ပူးပေါင်းရင်းမြစ်များ

Wakkagagerak 49:10

Aap endagembogut ambin mbanak Mondok kat Yekura keenggime aret wonage, Ndi, ogoba nen aput awone kilirigetak nogo Porogo wonage menggi kwak, Kat keebe paga wiganak nogo nen mban wone ti, Eenggime pipporogo wonage, Eerit namenggi-namenggi Wone Alom Unde nogo kin ari wage kenok, Yi aakumi ndi aakumi inanebunu lombok abok aret At ari kenok mban eeko logogun o.

Matiyut 14:1

Ne ti eyom paga aap o Nggalileya unde mippereegwaarak Keroret nen Yetut eerit nage nogo, aruk konengge nagagerik,

Matiyut 14:3

At Keroret nogo nen at awuluk Piliput akweeluk kagak, kwe Keroriyat nogo wagangge mbareegi, at Yaya nen Keroret yoge logonet, “Kwe ti, woorak lek yugu kagak waganggendak me, kimbirak logorak mondok mage o.” Yogak mban eeke mbareegi, Keroret nogo nen, “Yaya warikit,” mba'nuk, pigogo keele maarogo mambiigo menggam mambereegerak kwe, it aakumi nen, “Yaya ti, Ala nen yoge kagak yoraga mendek aret o,” yogwe aruk konengge nagagerik, agabiti agagerak.

Matiyut 14:6

Agabiti age nagagerik, puk wonage me, at Keroret nda'nagagerak eyom ari wage mbareegi, kwe Keroriyat aagaluk inenggela'me time kwirabik-kwirabok ari logonet, Keroret iniki ale'nggen eeppege mbareegi,

Matiyut 22:17

aap o unde endagembogut Kayitat ake wu puurak op a, mage a? Kat kiniki nonggop mbaken?”

Matiyut 27:2

eebe keele maarogo at o unde gubernur endage Pilatut nogo wonok iri nogogwaarak.

Marakut 6:17

Ti yereegerak nogo ti, at Keroret nen kwe Keroriyat Piliput awot akweeluk kagak, wagangge mbareegi, at Yaya nen Keroret yoge logonet, “Kat kawot akweeluk woorak lek yugu kagak waganggendak me, kimbirak logorak mage o,” yinuk, yogak mban eeke mbareegi, Keroret nogo nen Yaya keele maaruwak nduk nappiige mbareegi, nogo nogogwaarik, pippunuk aakumi keele maarogo mambiigo menggam mambereegwaarak.

Marakut 6:21

Arum wonage me, at Keroret nda'nagagerak eyom ari wage mbareegi, at awuri kepala-kepala mippiyareegerak inom, it yigin unde inoweewi inom, it aap Nggalileya mendek inoweewi nagawan-nagawan inom, nggelak lakwi me, wogo mbareegwa, kwe Keroriyat nogo nen, “E! Yogondak perak, nanonggwan kuwak agaarak kagi,” mbake kagak,

Lukat 13:31

Ti awo yorage kagak, it aap Pariti mendek ando nen Yetut owagam nogo nogogwaarik, at yogo logonet, “Aap Keroret kooriyak ari me, yime nen mbet mbaganu o.”

Lukat 2:1

Ti eyom paga aap endagembogut Kayitat Agutut nen it aakumi yi awi ndi awi abok aret at abu'me piige menggim o Oroma wonogwe nogo, inendage liiru mbanuwak nduk, wone lengganeegerak.

Lukat 23:24

at eeppuurak yoreegwaarak nogo Pilatut nen eebi mbake logonet kwe, “Op aret o,” yinuk, yoragagerak.

Lukat 3:19

Inaruk warit nage logonet, aap endagembogut Keroret nogo nen at awot akweeluk Keroriyat ndingge, ndi, yi maluk ndi maluk apit eerit nage, eeke mbareegi, at Yaya nen at kunduk mberereegerak me,

Lukat 9:7

Eerit nugwi nogo it aakumi nen iigo nogogwaarik, it ando nen, “At Yaya kanggo menggam nen eenik a'nuk, mi'nagaarak o,” yogwe, ndi, ando nen, “Aap Eliya tena'me agaarak o,” yogwe, ndi, ando nen, “Aap maan Ala nen yorage kagak yorogo nogogwaarak nogo mendek ambi eenik a'nuk, mi'nagaarak o,” yogwe, agan nugwi nogo aap endagembogut Keroret nogo aruk konengge nagagerik, iniki piirik agagerak.

Nappiigak 23:26

“Kendage abu tiyanak menggendak nogoba gubernur Pelikit wae. An Kelawuriyut Litiyat nen wone ambi yokkiri o.

Nappiigak 24:27

At Pelikit nen, “It Yakuri inikilom nombaruwak o,” yinuk, Pawulut keele maarak piinogo wumbega'lek kagak, tahun mbere eeppunuk, at obaane'me Perikiyut Petut mippereegwaarak.

Nappiigak 26:30

Yoge mbareegi, inowe endagembogut nogo inom, inowe gubernur nogo inom, kwe Mberinike inom, it aakumi kwi'ndak inom wonogogwaarak nogo inom, abok aret mi'na'nuk,

Nappiigak 4:27

Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.