Lukat 24:36 - Ala Wone Peenok Peebi Mbanak

³⁶ Mbininirogwe me, Yetut lombok inenggela'me mi'nari unggwage logonet, “Kiniki kwippinip o.”

Lukat 24:36 ပူးပေါင်းရင်းမြစ်များ

Yetaya 57:18

Eerit nogwe nogo an iige nagagirak kwe, Obeelom eerogo piige, tu obeelom paga wogoren nage, Iniki tayenak logowak nduk, aa'nduk wonogogwa kwak eerogo piige, Eerigin o.

Matiyut 10:13

Ndi, it aap time inobaabut obeelom nen liirogon wokkinakwi iinok, kinale'nggen mondok inoba aret logogin o. Ndi, inobaabut maluk iinok perak, wundi nogo logonet, kinale'nggen inoba piyamonggotak nogo, lek eerogo piinok, wundi namunggup o.

Marakut 16:14

Ti'nuk, peebi nen at oone waganggwi 11 nogo mbi nunggwi me, “Neyaawak o,” yinuk, nigiya wagagerak. Nigiya wage nagagerik, at eenik a'nuk mi'nagagerak inigen kenok, yora wogogwaarak kwe, inogogumbuk logonet, iniki abet mbaka'lek iinok, mberiragagerak.

Lukat 10:5

Aakumi iname ambime unggwogo logomonggotik, aa'nduk keyage wappiigo logonet, Wa! Kinale'nggen o, yinuk, yoranu o.

Yaya 14:27

Kiniki piirik logonet, kinagabiti yugup o. Kiniki ugun tayenak logobagip nduk, eeppinaganuk nage agarik o. It aakumi o nggween paga yime menggaarak nen inoreewi inogut limbiigo mengga kwak, an togop eeppinagage lek o. Ata, an niniki ugun tayenak minggirak nogo aret eeppinagage agarik o.

Yaya 16:33

Wone yi yokkiragi nogo ti, an ninom kunik logonet, kiniki ugun tayenak lombok logobagip nduk, yokkiragi o. It aakumi nggween paga yime menggaarak mendek nogo nen piyakkinako logogun kwe, it o nggween paga yime inomaawi menggaarak nogo muk tebenogo piigirak me, kiniki kwippunuk, nu'lek logonip o,” yinuk, yoragagerak.

Yaya 20:26

Yorage mbareegi, nogo 7 yinuk, ko'lu paga it aap Yetut oone waganggwi mendek Tomat inom oome tu kunci narak kagak wonogwe me, Yetut inenggela'me mi'nari unggwage nagagerik, yorage logonet, “Noreewi kinogut li o.”

Nappiigak 1:3

At wareegwaarak nogo eenik age nagagerik, “It nawuri ti nen an abet aret neenik agarak ineenu aruwak o,” yinuk, nigiige, ndi, Ala abu'me piyoorak wone nogo yorage, eerit nage kagak, nogo 40 aret yege nagagerak.

1 Korindut 15:5

Mippege mbareegi, at Yetut nen Kepat enegen kaawak nduk, eebe nikkage nagagerik, ti'nuk, peebi it Duabelas nogo inigen kaawak nduk, eebe nigiyareegerak.

1 Korindut 15:7

Nogo nigiige nagagerik, ti'nuk, Yakobut nikkage, ti'nuk, it nappiyareegerak nogo abok aret nigiige, eereegerak.

2 Tetalonika 3:16

Ndi, yogondak niniki ugun tayenak ale'nggen logowok nduk, eeppinanega ninowe nogo nen yi eekak ndi eekak abok aret eerit nogwe kiigak, kiniki ugun tayenak ale'nggen logobagip nduk, kinarum logonet, eeppinagit nage logogin o. Kit abok aret ninowe kinom logogin o.

Wayu 1:4

An Yaya nen kit Ala apuri o Atiya nggereya 7 paga kuwak eerit nogo monggotak nogo, keyage wappinagi o. Aa'nduk wonagagerak, yogondak wonage, peebi logogin mondok itok menggerak Ala inom, ndi, Ala wone lengganogo yorage menggim abu'me menggaarak Aberiniki eeke menggerak alom 7 nogo inom, ndi, eeruwak nduk nappi wagagerak mondok liippunuk yubuk togon eeke nagagerik, kambunuk nogo menggam inenggela'me nen at aa'nduk mi'nage nagagerik, yogondak it aap nggween paga mendek inoweewi nagawan-nagawan abok inowe endagembogut agagerak at Yetut Keritut nogo inom, it abok aret iniki kunik en wokkirogwe, ndi, kiniki ugun tayenak ale'nggen logobagip nduk, eeppinagagwi, eeko logowak o. At Yetut Keritut ninabuwa nen iniki kunik ee'ninake, amiya paga ninomaluk koorogo pinanege,