Lukat 24:19 - Ala Wone Peenok Peebi Mbanak

¹⁹ Yoge mbareegi, at Yetut nen, “Nonggop agaarak me yogop o?” Yorage mbareegi, it nen, “Aap Yetut awi Nataret mendek nogo o. At ti, Ala nen yoge kagak yoraga mendek logonet, wone yorage nagaarak inom, eeke nagaarak inom, ti Ala kunduk, nit aakumi abok kunduk, ninenggaanom paga mondok iya tit eerit nage kogo nogoorak o.

Lukat 24:19 ပူးပေါင်းရင်းမြစ်များ

Matiyut 21:11

Yogo mbareegwa, it aakumi kuwak aago nogo nen, “Aap yi, Ala nen yoge kagak yo'niraga o Nggalileya awi Nataret mendek Yetut nogo aret o,” yinuk, yorogogwaarak.

Marakut 1:24

kwa kunik ari logonet, “Kat Yetut Nataret mendek yi, nonggop ee'ninabikit nduk wagan? Nit lek eerogo pinanikit nduk wagan ilik? Kat Ala aput maluk eekeelik alik leenak menggendak nogo keebe an neenu aret o.”

Lukat 24:18

it mbere nogo ambi endage Keleyopat nen at Yetut yoge logonet, “It aap nggiru yi awi ndi awi nen o Yerutalem unggwi wagaarak wonogwe nogo yogondak iluk eekerak yi, apit ineenu kwe, kat kalik keenggo'lek me wage nagandik, yagan ya?”

Lukat 7:16

Agalo nogo wogoge mbareegi, it aakumi apit inagabiti ambik a'nuk, Ala wogoppogo logonet, “Aap Ala nen yorage kagak yoraga mendek nggwok ambi ninenggela'me nen mi'naga o,” yogo nogogwaarik, “At Ala nen at apuri wonde'niya wagaarak kogo o,” yinuk, yereegwaarak.

Yaya 3:2

At nogo ne ambi oonikiya paga Yetut owagam wage nagagerik, yoge logonet, “Ngguru wae! Kat aakumi mamuninake logonok nduk, Ala nen nappagi wagaarak nineenu aret o. Aakumi Ala inom kunik lek kenok, ineenu ariyak inagabiti warak mendek kat eerit nege menggendak nogo, it nen eeriyak abu meek o.”

Yaya 4:19

Yoge mbareegi, kwe nogo nen, “Ai, nogoba! Ala nen yorage kagak yoraga mendek kat aret keegi o.

Yaya 6:14

Yonggologo pogo mbareegwa, aakumi nen ineenu ariyak inagabiti warak mendek eereegerak ti, inigen kogo nogogwaarik at yogo logonet, “At Ala nen yoge kagak yoraga o nggween paga yime woroorak nogo, yi aret wagaarak kogo o.”

Yaya 7:52

Yorage mbareegi, it nen, “A puk! Kat kunduk, aap Nggalileya mendek me nduk ari agandik? Ala wone liiru mbanak liippit unggwage logot ubi! Liippit unggwage logomenggendik, it Ala nen yorage kagak yoraga mendek ambi o Nggalileya nen woraagin mbanak lek aret kaamunggun o,” yinuk, yogo nogogwaarik,

Nappiigak 10:38

At Ala nen Yetut Nataret mendek Aberiniki oba wuppi wage nagagerik, leenogo mippege, omaawi wogoge, eeke nagagerik, Ala imbirak logonet me, obeelom eeginake, it kugi Ibilit aakumi inikime logonet molok iranet nege menggerak nogo, mugogo wumbiige, eerit nege nagagerak nogo o.

Nappiigak 2:22

Kit aap Iterali mendek yi, wae. An yokkirage yi, liirogon konenggo logonip o. Ala nen aap Yetut Nataret mendek leenogo nappi wagagerak kit liippatubagip nduk, Ala nen omaawi eeppege kagak, at kinom logonet eerubok mendek eeke, inagabiti warak mendek eeke, tam warak eeke, eeke nagagerak kineenu nogo o.

Nappiigak 7:22

Wulaga nogo tawe age logonet, it Metit mendek iniki warak logonet eeko menggaarak abok aret mamunggolagagerak me, oone ari kenok iya mbakwi, eerit nage kenok, Wi, ugwi, eeko nogogwaarak.

Pelaareegerak 18:15

At Aliku kinogoba Ala nen kit kinoreewi lombok inenggela'me nen an Ala wone yokkirage minggi kwak yokkirage logowak nduk, mippege kenok, at oone aret konenggo logomunggup o.