Lukat 24:11 - Ala Wone Peenok Peebi Mbanak

¹¹ Yorogogwaarak nogo, “Yi abet aret yo'nirogwe iigo o,” mbarulik, “Yi we ugun agan nugu agaarik,” mbareegwaarak kwe,

Lukat 24:11 ပူးပေါင်းရင်းမြစ်များ

Wakkagagerak 19:14

Yogo mbareegwa, at Lot nogo yonggo at apuri komologwe mbere koloorak nduk eekwi at arumini nogo, yora nage nagagerik, “O yime Ala nen mondok pup eerogo pigin me, mbo punuk mbet mbaganinip o,” yinuk, yoragagerak kwe, it iniki nen, “Lot ti, pilit agan nege agaarik,” mba'nuk, mbaganulik puk ogogwaarak.

2 Endagembogut 7:2

Yoge mbareegi, aap endagembogut inom eeko menggaarak at wonok nega awot ambi nen aap Ala wone liirogon eeka nogo yoge, “At Aliku ALA agi mbogut paga nen yi mendek ndi mendek nunggwi mendek nobarak wonage nogo, tu paarogo ngginu-ngginu eerogo wuppit woroorak kwe, kat eeriyak yagandak nogo ti, eerugun op mbake agandik?” Yoge mbareegi, at Elita nen, “Kat kenegen abe nen kaamunggun kwe, mbi ambiriluk ambi namunggun lek aret o,” yinuk, yoreegerak.

Ayup 9:16

Noone nggwok paga yoge neenok, Yu o, yo'neremenggerak kwe, Noone liirogon konenuwak mba'nuk yo'nirigin, an mba'netak lek o.

Ndawi 126:1

Nit aap keele maa'niren pinani nogogwaarak nogo, Aliku ALA nen niniyokan o Yerutalem wo'niren pinani wagagerak nogo ti, Ninabi kogwe negen mbakak wogogurak o.

Marakut 16:11

“Lek o. At Yetut nogo, eenik a'nuk, mi'nagaarak kage nagarik, yokkira wagi o,” yinuk, yorage nogo koneneegwaarak kwe, it iniki abet mbaka'lek aret wonogogwaarak.

Marakut 16:13

iniyok paga wogo nogogwaarik, inoreewi ando yorogogwaarak mendek, it nogo kunduk, abet mbarulik mban wonogogwaarak.

Marakut 16:14

Ti'nuk, peebi nen at oone waganggwi 11 nogo mbi nunggwi me, “Neyaawak o,” yinuk, nigiya wagagerak. Nigiya wage nagagerik, at eenik a'nuk mi'nagagerak inigen kenok, yora wogogwaarak kwe, inogogumbuk logonet, iniki abet mbaka'lek iinok, mberiragagerak.

Lukat 24:25

Yogo mbareegwa, at Yetut nen it yorage logonet, “Kit wi kiniki yunduurak aret kiigi o. It aap Ala nen yorage kagak yoraga nen wone yokkirogo nogogwaarak nogo abok aret mbet-mbet abet mbarulik nonggop nduk wonogotak?

Lukat 24:41

Nigiige mbareegi, iniki ale'nggen nen, “Yi nonggop ubi! Iya!” yinuk, mbareegwaarak kwe, “Yi at aret,” awo mbaka'lek iigak, it yorage logonet, “Mbi ambi wonage ilik, lek a?”

Nappiigak 12:9

Yoge mbareegi, wundi nage nagagerik, imbirak nagagerak. At malayikat nogo nen abet aret eeppege kagak, Peterut iniki nen, “We nabinggaanggo kage agarik kulik?” mbakak imbirak nagagerak.