Lukat 23:9 - Ala Wone Peenok Peebi Mbanak

⁹ Iniki ale'nggen mbake nagagerik, yi wone ndi wone apit Yetut kin wokkagagerak kwe, Yetut wone onggo yoga'lek puk aret wonagagerak.

Lukat 23:9 ပူးပေါင်းရင်းမြစ်များ

Ndawi 39:9

Kat nen aret nena koonogo panegendak me, An noone kiyuk wunaka'lek puk aret agarik o.

Yetaya 53:7

At aaninggin oba pugwi, andi-pandi eerogo pugwi, eekwi iigak, “Eeppaniyak op aret o,” mba'nuk, puk aret agagerak. Ndomba aagaluk waruwok nduk wonok nogwe iigak, puk menggi kwak, at oone lek kagak wonok nogwe, Ndi, ndomba iyagalo eeruwak mbanggwi iigak, oone lek puk menggi kwak, at oone lek puk aret wonage, Eereegerak o.

Matiyut 27:12

Yoreegerak kwe, it aap Ala unde inoweewi inom, aap inanggok inom, nen wone at oba lenggenogo pugwi iigak, at onggo ambi abu yoroolik puk aret wonagagerak.

Matiyut 27:14

Yoreegerak kwe, onggo yoraga'lek puk aret mbareegi, at gubernur nogo nen, “Aap yi iya kagi,” yinuk, pi wareegerak.

Matiyut 7:6

Nggeewo nen melak togon ineyak mbangginakwi iyo, Ala ake leenak abe mendek nogo wogoraagup o. Ndi, wam iniyok aan lebenogo pit nogwe iyo, wu kirin negen wam wonogwe me, inenggela'me mbo nappugup o,” yinuk, yoragagerak.

Marakut 15:5

Yoreegerak kwe, at Yetut onggo yoraga'lek puk wonage mbareegi, at Pilatut nogo, “Aap yi, iya!” yinuk, pi wareegerak.

Lukat 13:32

Yogo mbareegwa, Yetut nen, “At aap nggeewo pogom ti, wone yi mbet yori nanip o. An yogondak inom, ko'lu inom, kugi aap inikime wonage kenok, nggiginogo wumbiige, andi kenok obeelom aganake, eeke logominggirik, nogo mbere yinuk, ko'lu an eerikit nduk wagagirak nogo ti, abu worok togon aret eerigin o.

Lukat 23:10

Puk aret wonage mbareegi, it Ala unde inoweewi inom, it aap Ala wone liiru mbanak unde inom, ta logonet, inoone mondok maluk at oba pogo nogogwaarak.

Yaya 19:9

Agabiti age nagagerik, ne ambinom aakumi inowak loonggo menggam nogo me unggwi nanuk, Yetut yoge logonet, “Kat kawi alom ngga nen wagagindak o?” Yoreegerak kwe, at Yetut oone lek puk mban wonagagerak.

Nappiigak 8:32

Liiru mbanak maleneegerak nogo eebe yi aret o. “Ndomba aagaluk waruwak nduk, wonok nogwe iigak, puk menggi kwak, At oone lek kagak wonok nogwe, Ndi, ndomba iyagalo eeruwak mbanggwi iigak, Oone lek puk wonage menggi kwak, At oone lek puk aret wonage, Eereegerak o. Miyuk-meya eerogo pogo logonet, eekerak ndak-ndak eeppega'lek inoone yimbu-lambu eerogo wonok nogogwaarak. Ndi, at paga wiganak nogo, taani o? Lek aret me, at awone mbanulik aret o. It aakumi wonogo menggam o nggween paga yime enggaawak lek aret agagerak o,” yinuk, liiru mbanak nogo malengge me, kwi'nari laganeegerak.