Lukat 23:6 - Ala Wone Peenok Peebi Mbanak

⁶ Yogwi nogo at Pilatut aruk konengge nagagerik, “At aap yi, Nggalileya mendek abet aret ilik?” yinuk, aakumi yorage nagagerik,

Lukat 23:6 ပူးပေါင်းရင်းမြစ်များ

Matiyut 26:69

Yogwi iigak, at Peterut nogo oore'nggam taati kwi'ndak wonage me, kolaga inayeloman ambi wage nagagerik, “Kat kunduk, at Yetut o Nggalileya mendek kimbirak nege menggendak keegi o.”

Lukat 13:1

Nogo ti eyom paga aakumi ando nen, “Aakumi Nggalileya mendek nen Ala ake warogo kani kunggwi me, aap Pilatut nen inookerak o,” yinuk, Yetut yori nogogwaarak.

Lukat 23:5

Yoragagerak kwe, it inoone panggok togon nabenak mban yogo logonet, “Lek o. Aap yi, wone mamuninabit nege logonet, aakumi o Yureya mendek abok aret o Nggalileya nen nok, o yi kuli aret inabut wurit nege menggerak o,” yinuk, yoreegwaarak.

Lukat 23:7

aap Keroret inarum menggim nogome mendek aret aruk konengge nagagerik, ti eyom paga at Keroret o Yerutalem wagagerak wonage me, at owagam nappereegerak.

Nappiigak 5:37

Ti'nuk peebi, aakumi abok inendage liiru mbanuwak nduk eekwi me, aap Nggalileya mendek ambi endage Yurat, wage nagagerik, aap ando at oone konenuwak nduk nomoninabeegerak mendek, wako mbareegwa, at oone waganeegwaarak nogo mbaganit nogogwaarak.