Lukat 23:43 - Ala Wone Peenok Peebi Mbanak

⁴³ Yoge mbareegi, at Yetut nen at yoge logonet, “Yogondak aret kambunuk, nogo menggam o obeelom nogome nimbirak wonage keyaagin o, yinuk, abet aret yokkigi o,” yoreegerak.

Lukat 23:43 ပူးပေါင်းရင်းမြစ်များ

Ndawi 32:5

Togop aret ee'nakerak me Maluk eekirak nogo yokkege, Nomaluk kiraappunuk wonaga'lek kin paga pege, “An nen Kaliku ALA koone tagambunuk, Maluk eekirak nogo paganogo yokkirikit o,” Yinuk, paganogo yokkege, Eeke mbaki, Kat nen nomaluk lek eerogo panggendak o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Lukat 19:10

An aap aret nda'nagagirak yi, it aakumi kobak ogogwaarak nogo kwaarogo inagap ndarikit nduk, wambi wagagirak o,” yinuk, yoreegerak.

Lukat 23:42

Yoge nagagerik, Yetut yoge logonet, “Ai, nogoba Yetut. Kendagembogut a'nuk wage kenok, an noba abeke logomunggun o.”

Yaya 14:3

An nen kit logowam time pipuk eerogo pinagi nage logominggirik, kit an wonage me ninom logowok nduk, peebi wokkinabi woraagin o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

2 Korindut 5:8

Ninagabolo yi, nggonenogo mbo punuk, ninogoba wonage me, mondok-mondok ka noorak uugwe lombok mbakwi kwe, niniki kwippunuk tit ogoorik o.

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.

Wayu 2:7

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o. Ndi, it Ala wone mbo pega'lek, iniki nu'lek porogo logonet, liirogon mugurok nogwe iinok, eyoonggen aakumi ineenik eeginake menggerak Ala eyabu me wonage nogo, It noorak op aret yoraagin o, yinuk, wone yi yagarak nogo abok aret at malayikat Ala apuri o Epetut kuwak eekwi inarum menggerak nogo nen apuri yoraawak nduk, liiru mbanogo nappu o.”