Lukat 23:30 - Ala Wone Peenok Peebi Mbanak

³⁰ Ti eyom paga it aakumi nen puut nggwok yogo logonet, Nineebe aan lebenogo pinanu o, yinuk, yogwi, ndi, puut mbuuluk yogo logonet, Nineebe taanogo pinanu o, yinuk, yogwi,

Lukat 23:30 ပူးပေါင်းရင်းမြစ်များ

Yetaya 2:19

At Aliku ALA nen nggween yi, na'ndo-wa'ndo eerikit nduk mi'na'nuk, Abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, It kole puut-puut yugum ambe nggaganak me unggwit nogwe, Nggween nenaarak me kumaa'nari unggwogwe, Eerugun o.

Yetaya 2:20

Ne ti eyom paga mbuti perak paga, emas paga, inagugiwak ogobakkigippunuk ayuk wukwi nogo, Eraangge mbo pemenggaarak me, ambeya inom, ngguundi inom, inake aret arigin o.

Oteya 10:8

O Mbet-Awen puut-puut kugi awi wuppunuk maluk eerit nugwi ti, Iterali maluk eeko menggam aret me, Lek eerogo pit nagun o. It inayuk wukwi inake warogo wogoragak ogobakkigirik nogo paga iri'ngga alok-palok mban yinik-kunik eerogo pege kenok, It nen, “Nit nineebe noba'ninabu o,” yinuk, puut-puut yorogwe, Ndi, puut-puut teberogon nogo yorogo logonet, “Kit nen aan wogonogo nineebe lebembinaninuk logonip o,” yinuk, yorogwe, Eerugun o.

Lukat 23:31

eeremenggaarak me, aakumi nen eyo ki kagak togop yogwe iinok, mbuk age kenok, nonggop yogo logorak mbakop? Lek o. Ti abunuk aret yogo logogun o,” yinuk yoragagerak.

Wayu 9:6

Ti eyom paga it aakumi andi nen yagan wako logonet, “Nggarurogon kambuwok lak ao,” yinuk, inowe-inawot nen mondok-mondok inooruwak nduk, yoramenggaarak kwe, kambuurak inoba ari woraagin lek me, kangga'lek we ineenik yagan yobak-nggolak mban wako logogun o.