Lukat 23:2 - Ala Wone Peenok Peebi Mbanak

² Wonok nogo nogogwaarik, inoone pilit at oba pogo logonet, “Aap yi, nit aakumi abok ninabut wurit nege logonet, aap endagembogut Kayitat o unde wonage onggo wu wogoriyak mage o. Kinowe endagembogut Keritut an aret o, agan nege me, kwaakkogoorak o.”

Lukat 23:2 ပူးပေါင်းရင်းမြစ်များ

1 Endagembogut 18:17

enegen kenok yoge logonet, “It Iterali naalop-kaalop eerogo piiga nogo kat aret a?”

Ndawi 35:11

It aap inogogun worokot nen we piliret, “Ndogop eeke kogoorak o,” yuwok nduk, wogo nagaatik, Wone an neenggo'lek mendek neegwa'me waganggwi, “Yogop eekendak ndogop eekendak,” yo'nugwi,

Ndawi 62:4

“At amunggat oba tiyanak wonage nogo Lek eerogo puwok,” mba'nuk agan nugwi, Pilit puguniyak kinikilom mbakwi, Eeko logonet, Kit kinambe paga nen Aakumi kinale'nggen inoba piinet nogo logonet kwe, Kinikime nen kugi pulunogo piinet nugwi kiigi o.

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yeremiya 38:4

Inaruk konembunuk, it aap inoweewi inengga warak ti nen aap endagembogut Terekiya yogo logonet, “At aap ti, it ineegin warak o kota yime awo wonogwe inom, aakumi abok aret inom, yoranet nage paga inomanggen tayenogo piige, iniki ugun tayenak logowak nduk, agan nege lek maluk eekkolaawak nduk agan nege me, at enggaawak mondok lek eeppuurak o.”

Amot 7:10

Kage mbareegi, o Mbeten ogut ogobakkigirik inaluut eeko menggam unde Amatiya nogo nen Iterali inowe endagembogut Yerobeyam nogo, wone wonok yori woraawak nduk, nappiya wagagerak wogo nogogwaarik, at yogo logonet, “At Amot nogo, kat kimbirak ogookkoloorak nduk, aakumi Iterali inom wone koonogo pege me, at nen ari nogo paga aakumi pilak yogo logonet, ineebi nen kat koone mbo puurak nduk eeko agaarik o.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Matiyut 17:27

Yoge mbareegi, Yetut nen, “Ti kenok, inapuri ti pugulik we aret menggaarak kwe, nit pega'lek niinok ineebi ninombakwi iyo, kat yi yenggenak me nage logomenggendik, ikan keele mbo mambunuk, ikan ambi aa'nduk wa'nage kenok, ambe paganogo punuk, wu ambe me wonage nogo wagangge logomenggendik, peenok an nake pege, ndi, peenok kat kake pege, eeri woraamunggun o,” yinuk, yoreegerak.

Matiyut 22:21

Yorage mbareegi, it nen, “Lek o. Ti Kayitat aret o.” Yogo mbareegwa, at nen, “Ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o.”

Matiyut 27:11

At Yetut nogo aap o unde gubernur owagam mi'nari wage mbareegi, at gubernur nogo nen eegwa'me wagangge logonet, “Yakuri inowe kendagembogut kat aret ilik?” Yoge mbareegi, at Yetut nen, “Ti kat nen aret yagan o.”

Marakut 12:17

Yogo mbareegwa, at Yetut nogo nen, “Ti kenok, Kayitat amendek ti, Kayitat aret wogogwi, ndi, Ala amendek ti, Ala aret wogogwi, eeko logonip o,” yinuk, yorage mbareegi, it nogo nen, “Wi!” yinuk, pi wareegwaarak.

Marakut 15:2

at Pilatut nogo nen, “It Yakuri inowe endagembogut kat aret ilik?” Yoge mbareegi, at nogo nen, “Yagandak ti aret o.”

Lukat 23:14

yorage logonet, “Aap yi, aakumi inabut wurit nage me nduk, nowagam pi wogotak kwe, kinoone at oba pogotak nogo, kiigak aret owak loonggirak me, maluk eekerak paga wariyak kwe, at maluk eekerak ambi an abu koolik o.

Lukat 23:5

Yoragagerak kwe, it inoone panggok togon nabenak mban yogo logonet, “Lek o. Aap yi, wone mamuninabit nege logonet, aakumi o Yureya mendek abok aret o Nggalileya nen nok, o yi kuli aret inabut wurit nege menggerak o,” yinuk, yoreegwaarak.

Yaya 18:29

Endekem puk wonogwe me, at Pilatut nogo iya wungge nagagerik, “Wologwe! Aap yi, nonggop eekerak kenok, wonok wogotak?”

Yaya 18:30

Yorage mbareegi, it nen, “Lek o. Aap yi maluk eeke logonetak lek nen, nit wonok wokkiri woraanetak lek o.”

Yaya 19:12

Wone ti yoreegerak nogo at Pilatut aruk konembunuk, Yetut keele piinogo teppuurak aret eereegerak mendek, it aap Yakuri mendek inoone nggwok paga at yogo logonet, “Aap ambi nen, Nendagembogut aret o, ari kenok, aap ti, Kayitat imbirak ogookkolage me, kat aap yi, piinogo teppege keenok, kat Kayitat kimbirak kunik lek aret kombarugun o,” yinuk, yoreegwaarak.

Nappiigak 24:13

Ndi, yogondak wone an noba lenggenggwi ti kunduk, alom lek aret me, it yogwe kat abet mbarenok nduk yokkiriyak ti, lek aret kaamunggun o, nogoba.

Nappiigak 24:5

Ari nagagerik, “Aap yi, aakumi ale-pale eeginabit nage logonet, it Yakuri yi awi ndi awi abok inikime manabit nege at aret kogoorak o. Aap Nataret mendek oone waganggo menggaarak inowe at aret o. Ndi, at Ala awi wurik me maluk eerogo pikit nduk eeke me pigaganggoorak o.

Oroma 13:7

wone yugu mugurok, “Wo'niraanip o,” yinuk yokkirogwe iinok, wogorogo logonip o. Kinarum wonogwe onggo wogoraga'lek kenok, wogorogwe, yi mendek ndi mendek wonok o yime unggwit woroorak, “Onggo ndogop pinip o,” yokkirogwe iinok, wogorogwe, “Ninayuk wuko logonip o,” yokkirogwe iinok, inayuk wukwi, “Nit kinogobamini aret me, tiyappinanggo logonip o,” yokkirogwe iinok, tiyappiigwi, eerit nogo logonip o.