Lukat 23:13 - Ala Wone Peenok Peebi Mbanak

¹³ Yetut iyok paga nappi wagagerak wage mbareegi, at Pilatut nen it aap Ala unde inoweewi inom, Yakuri inanggok inom, aakumi ugun inom, wiirage nagagerik, wogo mbareegwa,

Lukat 23:13 ပူးပေါင်းရင်းမြစ်များ

Marakut 15:14

at Pilatut nogo nen, “At maluk ngge eekerak paga yogo ogotik o?” Yorage mbareegi, ya-mba ogo logonet, “Eyo paga nabenogo puurak o,” yinuk, abunuk inoone nggwok paga yoreegwaarak.

Lukat 23:35

It aakumi nogo taati inigen loogwi iigak, it aap Yakuri inoweewi nogo nen at miyuk-meya agago pogo logonet, “At aakumi inagap ndake nagaarak me, at Ala nen leenogo mippereegerak Mesias nogo abet aret kenok, agap ndakkolaayok ubi,” yinuk, yereegwaarak.

Lukat 24:20

Ti aret kwe, it aap Ala unde ninoweewi inom, nit Yakuri ninoweewi inom, nen wariyak lenggambunuk, eyo karo-karo paga nabenogo puwak nduk, wogorogo mbaka, eyo karo-karo paga nabenogo pegaarak nogo o.

Yaya 12:42

At Yetaya togop aret liiru mbaneegerak kwe, kagak, aakumi inoweewi apit aret iniki Yetut oba panggombunuk, abet mbareegwaarak. Abet mbareegwaarak kwe, it Pariti mendek nogo Yakuri tamban eeko menggam nen wumbiigwi iyo, inagabiti nen, “Nit at oone waganggwi mendek aret o,” yinuk, pagangga'lek aret wonogogwaarak.

Yaya 18:38

Yoge mbareegi, at Pilatut nen, “Ala ndogop menggerak o, mban agan nege ti, nano wone agan nege o?” yinuk, yoreegerak. At Pilatut nen wone ti, yo'nuk, aap Yakuri mendek endekem iya wungge nagagerik, yorage logonet, “Wologwe! Aap yi, maluk ambi abu eerulik aret kagi o.

Yaya 19:4

Wako mbareegwa, at Pilatut nogo ambinom endekem it aap Yakuri mendek iya wungge nagagerik, yorage logonet, “Wologwe! Aap yi, maluk ambi abu eerulik kagarak me, kit kineenu arubagip nduk, wonok wundi wagi o.”

Yaya 3:1

It Yakuri mendek inowe aap Pariti mendek ambi endage Nikoremut aret wonagagerak.

Yaya 7:26

At wone nggwok paga mamunirage kwe, Mage, yogwi lek yi kaanip o. It aap ninoweewi nogo nen, Mage, yogwi lek yi, Ala nen leenogo mippereegerak Mesias nogo, Yi abet aret, mba'nuk puk wonogwe kwa?

Yaya 7:48

Kinoweewi inom, nit Pariti mendek inom, niniki at oba panggombunuk, abet ombakwi ambi niigotak ya? Lek aret o!

Nappiigak 13:27

Togop aret kwe, it aakumi Yerutalem mendek inoweewi inom nogo nen, At Yetut ti, ninagap ndaka aret o, yinuk, yelok koolik kwe, kulinik-kalinik it Yakuri tamban eeko logonet, it aap Ala yorage kagak yorogo nogogwaarak wone liiru mbanak pekkagak yorogo nogogwaarak nogo, at wariyak koombunuk, warogo pereegwaarak paga wone ti, a'me aret agagerak.

Nappiigak 3:17

Ai, noreewi. Kinoweewi kinom eekotak nogo ti, kobak logonet eekotak an neenu aret o.

Nappiigak 4:5

Nogo yippunuk, ko'lu it Yakuri inoweewi inom, inanggok inom, it Ala wone liiru mbanak unde inom, at Ala unde inowe nggwok Kanat inom, Kayapat inom, Yaya inom, Alekandet inom, Ala unde inowe nggwok nogo owe-awot ando inom, abok aret o Yerutalem kuwak eeppunuk,

Nappiigak 4:8

Ineegwa'me waganggo mbareegwa, at Peterut nogo Aberiniki inikime lik ari mbareegi, yorage logonet, “Kit aakumi Yakuri inarum monggotak inom, ninogobamini inom, wone ambi yokkira o.