Lukat 22:61 - Ala Wone Peenok Peebi Mbanak

⁶¹ Oone ari mbareegi, ninogoba Yetut ena logurogon Peterut pekkage mbareegi, Peterut nogo nen, “O yogondak yi paga ayam oone awo yaga'lek kagak, kat ne kenagan paga, Yetut an neenggo'lek, yumunggun o, yo'negerak nogo, yi aret yigi,” yinuk, abeke nagagerik,

Lukat 22:61 ပူးပေါင်းရင်းမြစ်များ

Ayup 33:27

Ti eeke kenok, It obeelom eerogo piyamenggerak nogo nen Aakumi inenggaanom paga yogo logonet, nit maluk aret eekwi, Obeelom eeriyak kagak maluk aret eerit nogwe, Eekoorak kagak kwe, At Ala nen nit maluk eekoorak nogo onggo ndak-ndak eeppinanega'lek teppinanege,

Yetikiyen 16:63

Ndi, at eerit nege nagagerak nogo lek eerogo punuk, nimbirak lambungge neenok, at eeke nagagerak abe'nage logonet, Ndogop eeriyak mendek eekirak, ao, yinuk, mbake, ndi, mondok enggali mbarit unggwage kenok, wone ambi yigin lek mondok-mondok puk age, eerigin o, yinuk, Naliku Nitok Minggirak an ALA nen aret yagarak me, yoru o,” yinuk, wone yi abok aret an yo'nege mbareegi, yoreegirak.

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Matiyut 26:34

Yoge mbareegi, at Yetut nen, “Yogondak oonikiya yi paga ayam oone awo yaga'lek kagak, kat ne kenagan paga, Yetut ti, neenggo'lek, yumunggun o, yinuk, abet aret yokkigi o.”

Matiyut 26:75

Ayam oone ari mbareegi, at Yetut nen, “Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o,” yinuk, yoreegerak nogo, at Peterut iniki abe'nage mbareegi, wundi nanuk, iniki puru ari logonet, le nggwok yereegerak.

Marakut 5:30

at Yetut nen, “Nomaawi ambi lek age kagi,” mba'nuk, aakumi ninggi'nuk wogwe nogo ena logurogon pegiige logonet, “An nayum ta nen pigaganggi?”

Lukat 10:41

Yoge mbareegi, Yetut nen, “Marata, Marata. Kat yi eeriyak ndi eeriyak mban kiniki piirik logonet, anggon-panggon eerit nege keegi o.

Lukat 22:34

Yoge mbareegi, at Yetut nen, “Peterut wae. Yogondak aret ayam oone yaga'lek kagak, kat ne kenagan paga, Yetut ti, an neenggo'lek ari, keyaagin o, yinuk, yokkigi o,” yoreegerak.

Lukat 22:60

Yoreegerak kwe, Peterut nen, “Wulaga! Kat yagandak ti, an mondok neenggo'lek aret o.” Awo yoge kagak, ayam oone yereegerak.

Lukat 22:62

endekem wundi nanuk, le iniki apit agagerak.

Lukat 7:13

Ninogoba Yetut nen kwe nogo enegen kage nagagerik, abuwa ambik ombake logonet, “Le ari mage o,” yoreegerak.

Lukat 7:19

Yogo mbareegwa, Yaya nen at oone waganggwi mendek mbere wiirage nagagerik, wogo mbareegwa, it yorage logonet, “At woroorak nogo kat aret wagandak ilik, alik ambi woraagin nduk tokkogo logomun a? At ninogoba Yetut nogo yori nanip o,” yinuk, nappiyareegerak.

Yaya 13:38

Yoge mbareegi, at Yetut nen, “Wulaga! Kat abet aret an nake kambuurak op mbake agandik ya? Ayam oone awo yaga'lek kagak, kat ne kenagan paga, Yetut ti, an neenggo'lek, yumunggun o, yinuk, mondok abet aret yokkege agarik o,” yoreegerak.

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

Epetut 2:11

Togop me, noreewi o. It, “Nit ninagabolo mbanak mendek o,” yogo menggaarak nogo nen, “Kit kinagabolo mbanak lek mendek o,” yinuk, yokkirogo menggaarak kit endekem konenggulik mendek nda'nogogutak nogo, aa'nduk wonogogutak kiniki abeko logonip o. “Ninagabolo mbanak o,” yogo menggaarak nogo ti, aakumi nen mbanak aret o.

Wayu 2:5

It aa'nduk an ninom kunik logonet, iniki aganggen paga noone mugurok nogo nogogwaarak nogo mbo punuk, yogondak mondok alik eerit nogwe nogo, liippatinuk, inomaluk mbo pogo logomenggaarik, yungguninuk iniyok paga woraanuk, aa'nduk eeko nogogwaarak nogo ndak-ndak eerit nogo logowak o. It iniki koombunuk inomaluk mbo pugwi lek iinok perak, an wage logominggirik, ndi wuninogo pegak inenggela'me wonage nogo nggiginogo mbo wumbi woraagin o.