Lukat 22:57 - Ala Wone Peenok Peebi Mbanak

⁵⁷ Ari mbareegi, Peterut nen lik-lek ari logonet, “Kolaga! Aap ti, an neenggo'lek o,” yoreegerak.

Lukat 22:57 ပူးပေါင်းရင်းမြစ်များ

Matiyut 10:33

kit nen aakumi inenggaanom paga, Yetut ti, nineenggo'lek aret o, yogwe kiinok perak, an kunduk, nogoba mbogut paga mendek enggaanom paga, It aakumi yi, an neenggo'lek aret, yigin o,” yinuk, yoragagerak.

Matiyut 26:70

Yoge mbareegi, at Peterut it abok inenggaanom paga, “Kat yagandak ti, an neenggo'lek ubi!”

Lukat 12:9

Ndi, kit aakumi inenggaanom paga, Yetut ti, nineenggo'lek o, yogwe kiinok perak, an kunduk, it Ala yonggo nappiya wage menggerak malayikat nogo inenggaanom paga, It aakumi ti, an neenggo'lek o, yinuk, ari neyaamunggup o, yinuk, yokkiragi o.

Lukat 22:56

Kwi'nari nagagerak wonage me, kolaga ambi kani kunik eya paga Peterut eebe inom kwi'ndak wonage kage nagagerik, at enegen looge logonet, “Aap yi kunduk, imbirak wonage kagarak o.”

Lukat 22:58

Yoge mbareegi, peebi aap alik ambi nen Peterut kage nagagerik, yoge logonet, “Kat kunduk, at mendek aret keegi o.” Yoge mbareegi, at Peterut nen, “Wulaga! An abu lek ubi!”

Yaya 18:25

Owagam nappereegerak nage kagak, at Timon Peterut nogo awo togwi worakkolage me, it aap time wonogwe nogo nen at yogo logonet, “Kat kunduk, at oone waganggwi mendek nogo lek a?” Yogo mbareegwa, at nen, “An lek ubi!”

Yaya 18:27

Yoge mbareegi, at Peterut nen ambinom lik-lek ari mbareegi, ayam oone yereegerak.

Nappiigak 3:19

kinogoba Ala nen kit kinomaluk lek eerogo pinagage paga kiniki ale'nggen logonet, ugun tayenak logobagip nduk, kiniki koombunuk kinomaluk mbo pinip o.

1 Yaya 1:9

Ndi, ninomaluk abet aret paganggwi niinok perak, at Ala yegetak mbeyok ariilik, a'me liirogon mban eeke menggerak me, nit obeelom eeka'lek maluk eerit nugwi nogo lek eerogo pege, ndi, maluk ninikime wonage nogo koo'ninake, eeke logogin o.