Lukat 22:53 - Ala Wone Peenok Peebi Mbanak

⁵³ Ko'lu-kii'me Ala awi wurik me ninom neegak, pi'nabulik kwe, at o yumaak unde menggerak nogo kinom ee'naburak eyom yogondak yi aret me, ee'nip o,” yinuk, yoragagerak.

Lukat 22:53 ပူးပေါင်းရင်းမြစ်များ

Ayup 20:5

Aap maluk eeka iniki ale'nggen mbakwi nogo we luulu aret mbakwi, Ala mugurok noorak ineebi mbaka inale'nggen kogwe nogo, we ne ambiriluk mban kogwe, Eeko menggaarak o.

Matiyut 21:23

At Yetut nogo Ala awi wurik me unggwage nagagerik, aakumi mamunirage kagak, it Ala unde inoweewi inom, aakumi inoweewi inom, Yetut owagam wogo nogogwaarik, at yogo logonet, “Kat yi eekak ndi eekak eeke yi ti, ta oone paga eeke menggendak? Ta nen yokkereegerak paga eeke menggendak?”

Lukat 22:52

Obeelom eeppege nagagerik, at Yetut nen it at pigaawok nduk nogogwaarak Ala unde inoweewi inom, it Ala awi wurik arum wako nogogwaarak inoweewi inom, it aap inanggok inom, nogo yorage logonet, “Aap yogoot wagangga piginabi nogo mengga kwak, an togop aret pi'nabuwok nduk, tege wooluwak inom, mbim obate mbanak inom, wonok wogotak ya?

Lukat 22:54

Yorage mbareegi, pigaganggo nogogwaarik, wonok aap Ala unde inowe nggwok ame nogome pi nogogwaarak. Pi nogwe iigak, Peterut nogo inambokan yanabek nagagerak.

Yaya 12:27

Yorage nagagerik, at nen ari logonet, “Yogondak niniki abu puru yegerak me, an nonggop yi o? Yogondak eeppaniyak koonggwi yi, eeppanugwi iyo, lek eerogo pu o, nogoba, yori ilik?” mbareegerak mendek, ti'nuk, ogoba yoge logonet, “Lek o. Yi eeppanuwak nduk aret wagagirak me,

Yaya 13:30

Mbakwi iigak, at Yurat nogo roti wagangge nagagerik, mbet-mbet aret wundi nagagerak. O apit agagerak kagak aret wundi nagagerak.

Yaya 14:30

It aakumi o nggween paga menggaarak inowe nogo wage aret me, wone ambinom nggorek yokkiraagin lek o. At wage logomenggerik, at nen wone ambiriluk ambi an yo'nirigin mondok lek o.

Yaya 7:30

Yoragagerak ti paga at pigaawok nduk, eereegwaarak kwe, at wariyak eyom koonak nogo awo panggoni waga'lek me, ineenggi abu pigoolik o.

Yaya 7:45

It aap Ala awi wurik arum waka nogo nen aap Ala unde inoweewi inom, it aap Pariti mendek inom, wonogwe me, iniyok paga inowagam wogo mbareegwa, it nen yorogo logonet, “Kit nonggop nduk, Yetut wonok woroolik?”

Nappiigak 26:18

It o apit negen wonogwe nogo mbo punuk eya me unggwage, ndi, at Ibilit abu'me piyareegim nen wundi nanuk, Ala abu'me piige menggim unggwogwe, Eeruwok o, yinuk, yuwak nduk, nappagagin o. It nogo iniki noba panggombunuk abet nombakwi iinok, inomaluk Ala nen lek agago piinok, at apuri leenogo piyareegim nogome inom nabenogo piyaawak nduk, nappagagin o, yinuk, yo'nereegerak o,” yoragagerak.

Epetut 6:12

Wim ninom nambuko logonet, perenggologwe nogo ti, nit aap nggween paga mendek ninom nambukwi lek o. Ata, it inayuk warak o oolo yayi nugu logonet, aakumi nggween paga yime iniki o apit aago pogom wonogwe nogo, maluk eeruwak nduk, iniki nggaganggo menggaarak Tile inom, at awuri yi kugi ndi kugi inom, abok aret ninom wim nambuko logonet, perenggologwe me,

Kolote 1:13

At o apit aago unde menggim nit keele maarak negen wonogwe me, Ala nen ninagap ndarogo at aput iniki kunik nogo abu'me pinani nage mbareegi,