Lukat 22:42 - Ala Wone Peenok Peebi Mbanak

⁴² Tamban eeke logonet, “Ai, nogoba! An ee'naburak yiiwak toolak kwak yi, kat woorak mbakendak kenok, wamen o. Ndi, lek kenok, an eeriyak mbake nogo mbo punuk, kat eeriyak mbake nogo mban aret eerikit o.”

Lukat 22:42 ပူးပေါင်းရင်းမြစ်များ

Yetaya 51:17

Kat kota Yerutalem yi wae. Pilak yu o. Pilak yu o! Yi toolak nunggwi kwak Aliku ALA anini alik negen koba pagarak toolak nogo nengge, Amburu toolak nunggwi iinok, neyak-kweyak agan nogo mengga kwak anini toolak nogo ameneno inom porok togon nengge, Eekendak kat Yerutalem yi, mi'naru o.

Yetaya 51:22

At kogoba Aliku Itok Menggerak ALA nen, At apuri inawone koonogo piiga kogoba Ala nen yegerak nogo yi aret. “Amburu toolak nenok, neyak-kweyak agan nege, Peebi noorak lek yogondak mban nanini eeppagarak toolak nogo nengge, Eekendak nogo Keenggi me nen abet aret waganggirak o.

Yeremiya 25:15

Iterali inogoba Aliku Ala nen an yo'nege kagarak nogo yi aret. “An nanini mbake niyoowak anggur amburu toolak kwak neenggime wonage yi, wagangge logomenggendik, wonok it aakumi inanebunu lombok wonogwe me, nappagaminggirak nanuk it abok aret nawak nduk, wogoraanu o.

Matiyut 11:25

O ti eyom paga Yetut nen at ogoba yoge logonet, “Mbogut-nggween unde nogoba wa! Kat eeriyak yi nogo, it aap iniki warak inom, iniki ngget inom, ineenu ogwe iyo, nobappunuk, it elege-aabologwe kwak mban paganogo yoragagindak me, wa!

Matiyut 11:26

Yi eereegindak nogo ti, kinikilom mba'nuk eereegindak me, kat nogoba wa, yokkigi o.”

Matiyut 20:22

Yoge mbareegi, at Yetut nen, “Kit nggino yo'nugwi ti, kineenggo'lek logonet, nggino yo'nogo ogotik o. An nagi toolak nagin nogo ti, kit noorak op mbakop?” Yorage mbareegi, it nen, “E o. Nit noorak op aret o.”

Matiyut 26:39

Yoraanuk, nirurogon nage nagagerik, enete wanduk togon nggween paga ngginna'nuk, Ala yoge logonet, “Ai, nogoba. An ee'naburak yiiwa'na toolak kwak yi, noorak lek teppaniyak op mbake keenok, teppanu o. Ndi, lek kenok, an niniki mbake eerigin ti lek o. Ata, kat kiniki mbake aret eerigin o,” yinuk, tamban eereegerak.

Matiyut 26:42

Yoge nagagerik, ne ambi teppiinok nage nagagerik, Ala yoge logonet, “Ai, nogoba. An ee'naburak amburu toolak kwak yi, nengga'lek me teppaniyak meek kenok, kat kiniki mbake aret eerigin o,” yinuk, tamban eereegerak.

Matiyut 26:44

Nogo yugwi iigak, teppiinok, nage nagagerik, aa'nduk ne mbere paga Ala yoreegerak nogo, peebi ne ambinom tamban eeke logonet, togop aret yoreegerak.

Matiyut 6:10

Nit kat kabu'me logowok nduk, eeppinani mok o. Mbogut paga kat kiniki mbake menggendak eeko mengga kwak, Nit nggween paga yime togop aret eeko logowok nduk, eeppinanu o.

Marakut 14:36

“Ai, nogoba. Kat yi mendek ndi mendek abok eeriyak op mban me, ee'naburak amburu toolak an porogo wonage yi, wamen o. An niniki mbake eerigin ti lek o. Kat kiniki mbake aret eeriyak o,” yinuk, tamban eereegerak.

Lukat 23:34

Nabenogo piigo mbareegwa, at Yetut nen, “Nogoba o. It ineenggo'lek logonet, eeppanugwi me, it maluk eekwi yi, lek eerogo pu o,” yoreegerak. Ndi, it aakumi nogo nen yugum anggen nggween paga mbo wuppegak eeko logonet, ambogoyum nogo tumbukkologogwaarak.

Yaya 18:11

Aruk tabonggage mbareegi, Yetut nen at Peterut yoge logonet, “Peterut wae. Kobaloowi obaane'me yonggolu o. Yiiwa'na toolak kwak an ee'naburak nogoba nen koonogo paneegerak yi, an noorak lek nombakendak ya? Lek o. Nagin aret o,” yinuk, yoreegerak.

Yaya 4:34

Yogo mbareegwa, Yetut nen, “At nappani wagagerak nen eeriyak mbake menggerak nogo eeke, ndi, at eeriyak mbake menggerak nogo an nen worok togon eeke, eeriyak ti, an nambi aret o.

Yaya 5:30

Yetut nen ambinom yorage logonet, “An nalik niniki koombunuk nen ambi eeriyak meek o. Ata, Ala yo'nege konembunuk mban inowak loonogo maluk onggo eeppiige minggirak. An niniki mbake paga eekeelik o. At nappani wagagerak an nogoba iniki mbake nogo mban eeke minggirak me, an aakumi inowak loonogo maluk onggo eeppiige nogo ti, a'me liirogon aret eeppiige minggirak o.

Yaya 6:38

An niniki mba'nuk eeke logokit nduk, mbogut paga nen wambi woroolik. Ata, at nappani wagagerak eeriyak mbake nogo mban eerikit nduk wagagirak o.

Nappiigak 21:14

Yo'nirage mbareegi, yogak mban eereegurak kwe, konengga'lek mbareegi, “Ala iniki mbake mban aruwak o,” yinuk, puk ogogurak.