Lukat 22:40 - Ala Wone Peenok Peebi Mbanak

⁴⁰ Lagi noorak mbareegim nogome aret nogo nogogwaarik, it yorage logonet, “Maluk eeriyak kiniki nggagani wage kero, tamban mban eeko logonip o.”

Lukat 22:40 ပူးပေါင်းရင်းမြစ်များ

1 Mbinineegwaarak 4:10

At Yabet nogo nen Iterali inogoba Ala yoge, “Kale'nggen noba panege logonet, nanggween ambe wigarogon wo'nege, aaninggin noba kwi'nage logonet, andi-pandi ee'nake kero, keenggi nggorek paga noba'nake, narum wonage, eeke logot o,” yinuk, tamban eeke mbareegi, nggino yoreegerak nogo at Ala nen ndak-ndak aret eeppereegerak.

Ndawi 119:133

Yi maluk ndi maluk abok aret eeriyak Ee'nake logonet, tebenogo panukwak, Kat eeppaniyak koonogo pereegindak nogome mban Niyok pit nage logokit nduk, nu'lek eeppanege,

Ndawi 17:5

Kat kiyok mugurok mban nage minggirak me, An niyok eraabin perak togon noolik o.

Ndawi 19:13

Ndi, “Maluk eerikit,” mba'nuk eeke neyo, kat unde wo'nake, Maluk nogo nen, “Maluk mban eeru o,” yo'nege kero, narum wonage, Eeke logot o. Togop eeke keenok, maluk ambi noba lenggenak kagak nage, Ndi, maluk nggwok ambi eeke, Eerigin lek Ugun aret logogin o.

Matiyut 6:13

Ninabut mbanuwak nduk, pinani nagun o. Ndi, at abu maluk mendek nogo nen maluk ee'ninake kero, ninagap ndaru o. (Kabu'me piinok menggenom arum wonage, Komaawi ambik lombok wonage, Kat mondok tiyanak wonage, Eerak menggendak me, Yogondak inom, peebi inom, lek arigin lek mondok-mondok aret logogin o. Amin.) yinuk, yogo logonip o.

Lukat 11:4

It aap nit maluk eerogo pinanugwi nogo mi eerogo pogo monggoorak me, Kat nen nit ninomaluk lek eerogo pinanege logot o. Ndi, ninabut mbangge kero, ninarum logot o, yinuk, togop aret yogo logonip o,” yoragagerak.

Lukat 22:46

Iige nagagerik, it yorage logonet, “Kit nonggop nduk nogo yugu ogotik o? Maluk eeriyak kiniki nggagani wage kero, mi'na'nuk, tamban mban eeko logonip o,” yinuk, yoragagerak.

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

Wayu 3:10

Ndi, Kit kinogogumbuk kiniki kwi'ndak logonet eeko logonip o, yinuk, yoragagirak nogo, konembunuk liirogon aret eekwi me, peebi yi aakumi ndi aakumi nggween paga menggaarak abok aret inabut mbanikit nduk, aaninggin-paaninggin inoba piya woroorak eyom nogo paga, it an napuri ti, inoba arukwak, an nen ndegeninake logogin o.