Lukat 22:19 - Ala Wone Peenok Peebi Mbanak

¹⁹ Yorage nagagerik, roti eenggime woppunuk, “Nogoba Ala wa!” yinuk, karerogo tumburirage logonet, “An neebe kit kinake punik nogo yi aret me, noba abe'nako logonet, nanip o.”

Lukat 22:19 ပူးပေါင်းရင်းမြစ်များ

Ndawi 111:4

At Aliku ALA ti, inabuwa mbake, Iniki yanggo yinuk, eeppiige, Eeke menggerak me, At eerubok mendek iya tit eeke nogo iniki aberak logowak nduk eeppiige,

Ndawi Iya 1:4

Togop me, nit mbet-mbet nawok nduk, an kat kambokan woraakit nen, “Omok o,” yo'niru o. Nowe kendagembogut yi wae. An wo'neren kago ogoorak me pani wagandak wonage agarik o. Kat keenok, ninale'nggen nggwok lombok mbakwi, Kat eeke keenok, niniki ale'nggen alik negen kogwe, Anggur amburu noorak ninikilom mbuuluk mbakwi kwe, kat ninoreeluk abuwa nen kiniki kunik eekendak paga kat tiyappagagwi, Eeko ogoorik o. It komologwe kat tiyappagarak ti abu obeelom aret o.

Yetikiyen 37:11

Mi'nogwe iige mbareegi, at nen an yo'nege logonet, “Aakumi nen ndarak yi wae. Aakumi inowak nggininik yi ti, it Iterali mendek abok aret. It Iterali mendek nen yogo logonet, Ninowak abu aret neno-pono nage, niniki lunik wonogwe nogo lek aret age, ninenggaawak kunduk lek age, eekerak o, yinuk, yogo agaarik o.

Yetikiyen 5:5

Naliku Nitok Minggirak an ALA nen, Yi aakumi ndi aakumi inawi eraanu wanggerak wonogwe iigak, o kota oolome lombok pereegirak ti, kota Yerutalem yi aret kwe,

Ndaniyen 2:38

Yi aakumi ndi aakumi kat kabu'me piinok logonok nduk, eeppagage, yi mendek ndi mendek penaame nugu menggaarak inom, towe wiga agan nugu menggaarak inom, abok aret keenggime logonet unde logonok nduk, wokkege, eereegerak me, anobak mbuti emas paga aago ti, kat aret o.

Matiyut 14:19

Yinuk, aakumi ambik nogo, “Iri'ngga paga kwi'na'nip o,” yorage nagagerik, kwi'nogo mbareegwa, at Yetut nen roti 5 inom, ndi, ikan mbere inom, woppunuk, ena mbogut paga ni'nage nagagerik, “Nogoba Ala wa,” yinuk, roti nogo karerogo at oone waganggwi nogo wogorage mbareegi, it nen aakumi kuwak aago nogo tumburirogogwaarak.

Matiyut 15:36

roti 7 inom, ikan inom, eenggi me wagangge nagagerik, “Ala wa!” yinuk, karerogo at oone waganggwi nogo wogorage mbareegi, it nen aakumi ambik kuwak aago nogo tumburirogogwaarak.

Lukat 22:17

Ti yorage nagagerik, yiiwak eenggime woppunuk, “Nogoba Ala wa!” yinuk, “An yogondak kuli paga nen nok, peebi Ala abu'me pinagarak eyom ari waga'lek kagak an eyoonggen amburu yi, nengga'lek aret logogin me, waganogo tumbukkolaanip o, yinuk, yokkiragi o.”

Lukat 22:20

Yorage nagagerik, nonggo mbareegwa, amburu toolak togop aret tumburirage logonet, “Ala kinom lambumbinagarak nduk, wone ngget mendek abok yokkirage nogo, kit abet mbarubagip nduk namiya kilirik yi aret o,” yinuk, tumburiragagerak.

Lukat 24:30

Unggwi nage nagagerik, inom mbi nawok nduk, kwi'na'nuk, mbi eenggime woppunuk, “Nogoba wa,” yinuk, karerogo tumburirakit nduk eeke mbareegi,

Yaya 6:23

yiiro ando o Tiberiyat nen ninogoba Ala, “Wa,” yinuk, aakumi roti tumburiragagerak nonggo nogogwam nogome aret wunda wogwe iigo nogogwaarik,

Yaya 6:51

Mbi kineenik eekkinake minggirak mbogut paga nen wambi wagagirak an aret. Kit mbi yi nogo, nunggwi kiinok, mondok-mondok kineenik aret logomunggup o. Kit aakumi nggween paga monggotak kineenik eekkinabuwak nduk, mbi kinake pigin nogo ti, an neebe aret o,” yinuk, yoragagerak.

1 Korindut 10:16

Nit niniki ambit lambunik logonet, at Keritut amiya wundeegerak nogo paga lambunogo pinaneegerak abeko logonet, amburu toolak waganogo, “Ala wa,” yinuk, nonggo monggoorak nogo lek a? Ndi, roti karerogo nonggo monggoorak nogo ti, nit niniki ambit lambunik logonet, at ninake kambeegerak abeko logonet, nonggo monggoorak nogo lek a?

1 Korindut 10:4

ndi, yugum wareegerak nogo ti, Keritut kwak me, wake mbareegi, Ala nen niyo wogoragagerak nogo, it abok aret nunggwi, eereegwaarak kwe,

Nggalatiya 1:4

O yogondak yi paga, it aakumi nggween paga mendek nen maluk mban eerit nogo menggaarak nogo, ninom eekwi niyo, ndinogo wo'ninabikit nduk, at ninogoba Ala mbareegerak nogo ndak-ndak, nit maluk eekwi niinok, ninowe Yetut Keritut nen, “Inake kambikit o,” yinuk, ninake kambeegerak.

Nggalatiya 4:25

Ndi, puut Tinayi o Arap wonage nogo ti, kwe Agat kokwak aret me, wakkogo logonet, kwe Agat aagalogwe inom Abarakam ayeloman tebenak wonogogwaarak nogo kokwak, puut Tinayi paga, “Yogop ee'nu, ndogop ee'nu,” wone yereegerak nogo, it o Yerutalem mendek nen awo eekwi me, aakumi inayeloman kwak, wone ti abu'me tebenak wonogwe iigo o.

Epetut 5:2

Ala ake warogo kani kunggwi iinok, Ala nen obari obeelom kage menggi kwak, at Keritut ninabuwa nen, “Inake kambikit,” mba'nuk, ninake kambeegerak nogo ndak-ndak, nabuwa-kabuwa mbako logonet, at ambi obeelom eeppegak eeko logonip o.

1 Tetalonika 5:18

Keritut Yetut kinom kunik logonet, eerit nogwe kiinok, yi mendek ndi mendek eeppinagagwi nogo ti, Ala mbareegerak paga aret eeppinagagwi me, “Wa,” mban yogo logonip o.

Titut 2:14

Nit yi maluk ndi maluk eeko monggoorak nogo eeko logokwak ninonggo mbanogo piinogo pinanege, ndi, “An napuri nake leenak logonet, obeelom eeriyak iniki aganggen paga eerit nugu logowak,” mba'nuk, ninomaluk koorogo pinanege, eerikit nduk, nit ninake niya wagagerak.

1 Peterut 2:24

It aakumi kanggaatak yabu eekulik nogo kwak, nit aa'nduk maluk eeko nogogurak nogo, yogondak ambinom eeka'lek obeelom mban eerit nogo logowok nduk, at eyo karo-karo paga kangge logonet, nit ninomaluk abok aret waganeegerak me, at agabolo nibik-nobak eerogo wareegwaarak nogo paga nit obeelom ee'ninabeegerak o.