Lukat 21:8 - Ala Wone Peenok Peebi Mbanak

⁸ Yogo mbareegwa, at Yetut nen yorage logonet, “Aakumi nomongginakwi iyo, kiniki tum wakkologo logonip o. It aakumi apit an nendage kunit wogo logonet, at ambi nen, At woroorak nogo ti, an aret wagi o, ari, ndi, at ambi nen, At woroorak eyom muk panggo yi wagaarak o, ari, agan woraagun me, inoone konembunuk, muguren noobok o.

Lukat 21:8 ပူးပေါင်းရင်းမြစ်များ

Yeremiya 29:8

At Omaawi Lombok Menggerak Iterali inogoba Aliku Ala nen abet aret yegerak nogo yi o. “It aap, Ndogop arigin, yaga inom, tili pagangga inom, inenggela'me logonet, pilit agan nugwi nogo inaruk konenggwi, inabi kagaatak mbininogo yorogwe nogo liippugwi, eerugwaarik o.

Matiyut 24:11

Ndi, aap ambik wogo logomenggaarik, we piliret, Ala nen yo'nege ambi yokkira o, yinuk, aakumi ambik iniki nomoninabugun o.

Matiyut 3:2

“At mbogut paga mendek abu'me pinagarak nogo panggo yi wagaarak me, kit kiniki koombunuk, kinomaluk mbo pinip o,” yinuk, yorage nagagerak. At yorage nagagerak ti,

Matiyut 4:17

Nage nagagerik, Yetut nen, “At mbogut paga mendek abu'me pinagarak panggo yi wagaarak me, kiniki koombunuk, kinomaluk mbo pinip o,” yinuk, wone aa'nduk lombok yoranet nagagerak ti aret.

Lukat 17:23

It aakumi nen, Eebe yime wonage me, pekka woraanip o. Time wonage me, pekka nanip o, yokkirogwe iinok, muguret noobok o.

Lukat 21:7

Yorage mbareegi, at kin wokkogo logonet, “Ngguru wae. Kat yo'niragandak nogo mandenom arigin o? Ndi, Togop arigin, yo'niragandak nogo a'me lik yuurak eyom koorok panggoni wage kenok, nano eeke paga nineenu ariyak?”

Lukat 21:9

Lek o. Wim nambukwi o. Lek o. Mugogo wumbiyaawak nduk, wim nggaganggwi o, yogwe kinaruk konenggwi kenok, kiniki ma'narubok o. Ti eeriyak nogo ti, aa'nduk arit woramenggerak kwe, Age yobok eeriyak eyom muk panggoni wage logonet, eeke o, yinuk, mbarubok o,” yoragagerak.

Yaya 5:43

Nogoba nen nappani wagagerak an nogo, kit wo'naka'lek kwe, aap alik ambi at iniki mba'nuk wage kenok perak, aret waamunggup kiigi o.

Yaya 8:24

Kit maluk kinikime wonage kagak aret kambumunggup o, yokkiragarak nogo ti, at eebe ti, an aret abet nombaka'lek kiinok, maluk kinikime wonage kagak, aret kambumunggup o.”

Yaya 8:28

Liippega'lek wonogwe me at Yetut nen, “An aap aret nda'nagagirak mippanugwi kiinok, at eebe nogo an aret kineenu ogwe, ndi, an mbake paga eekeelik nogoba nen mamunnake nogo mban yokkirage minggirak kit kineenu ogwe, eerumunggup o.

1 Korindut 6:9

Ndi, it maluk eeko menggaarak kenok, Ala abu'me piige menggim piyaagin lek nogo, kit kineenggo'lek a? It aap kumi paga mban iniki lunik logonet, eeginabit nega inom, kugiwak amili kungga inom, mbabi eeka inom, aap-aap wut-wut yaga inom, yogoot iyagalo inom, uugwe-uugwe mbaka inom, amburu nonggo nagaatik, kumili negen agan nega inom, aakumi inabok mbangga inom, inageerok nggwok aruwak nduk, aakumi inambokan lagangga inom, aakumi ti mendek ti, Ala abu'me piige menggim piyaagin mondok lek me, aakumi nen kinambokan laganggo logonet, alik yokkirogwe iinok, inoone koneniyak mondok mage o.

Epetut 5:6

It Ala wone tagambunuk, maluk ti mendek eerit nogwe iinok, Ala anini inoba piige menggerak me, it ugun kobak menggaarak nogo nen inoone amburu ndik-ndik agan wogo logonet, kinambokan laganggwi iyo, liippogo logonip o.

2 Tetalonika 2:3

It aakumi pilit togop agan wogo logonet, kinambokan laganukwak, liippiigo logonip o. Ninowe woroorak nogo ti, aakumi nen Ala wone, “Nineebi o,” yinuk, mbo pugwi, ndi, at mondok maluk eeka lek eerogo puurak ake lengganak nogo, kin ari wage, eeka'lek iigak, woraagin lek o.

2 Timotiyut 3:13

Togop aret kwe, it aakumi maluk eeka inom, pilit pugungga inom, maluk ambinom nggwok eerit nugu logonet, it mban-mban inambokan laganggologo logogun kwe,

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.

2 Yaya 1:7

It aap ando nen, “Yetut Keritut ti, aap kwak nggween paga yime nda'narulik o,” yinuk, aakumi inambo'me laganuwok nduk yoranet nogo menggaarak mendek yi o ndi o ineebe ambik aret wonogwe o. It aap ti, Pilit Keritut negen logonet, pilit-pilit aret aakumi inambo'me laganggo menggaarak me,

Wayu 1:3

wone yi eeriyak nogo abu panggo yegerak me, it aakumi nen peebi eeriyak wone liiru mbanak yi, pekkagak mbininogo yorogwe, ndi, yorogwe iigak, inaruk konembunuk, liirogon waganggwi, eekwi iinok, Ala nen ale'nggen inoba piige logogin o.

Wayu 12:9

at waalo nggwok nogo awuri inom mbelenogo nggween paga mbo wuppiya wage kagarak. Wuppiya wage mbaki, waalo nggwok mbo wuppi wagaarak nogo ti, o maan nen yi aakumi ndi aakumi abok aret inambokan lagangge menggerak Ibilit nogo ti, Tile aret me, at awuri inom abok aret mbogut paga nen mbelenogo nggween paga wuppiya wogwe iigirak o.