Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lukat 21:36 - Ala Wone Peenok Peebi Mbanak

36 Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

အခန်းကိုကြည့်ပါ။ ကော်ပီ




Lukat 21:36
34 ပူးပေါင်းရင်းမြစ်များ  

Togop me, it aap maluk eeka nogo aakumi inowak loongge menggim nen, “Nit ndogop nduk eekoorak o,” yinuk, yogwe, Ndi, aap obeelom mendek kuwak eeko menggam nen, “Aap maluk mendek ninom aruwi o,” yinuk, yorogwe, Eerugun lek o.


aap Erekap aput Yonarap paga wiganak nen it nake eekwi nogo, ineebe lek arugun lek mondok-mondok ambi mi'nagak ambi mi'nagak eeko logogun o, yinuk, At Omaawi Lombok Menggerak Iterali inogoba Aliku Ala nen yegerak me, yokkiragi o,” yinuk, yoragagirak.


Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.


Togop me, kinogoba an nogo, o ngge eyom paga woroorak kineenggo'lek me, kiniki tum wako logonip o.


At aap awi unde nen, Yogoot iyagalo ne ndi eyom paga woraagin, eenu a'netak en, tu paappunuk, amendek kiraari unggwage kero, nogo yega'lek mondok-mondok tum wake logonetak o, yinuk, kineenu a'nip o.


Togop me, an aap aret nda'nagagirak yi, kit nen, Ne ndi eyom woroorak, mbaka'lek kiigak, woraagin aret me, kit mondok pipuk-papuk aago logonip o,” yinuk, yoragagerak.


Yorage nagagerik, at Yetut nen, “O ndi eyom paga woroorak inom, oonegen mande paga woroorak inom, nogo kit kineenggo'lek me, kiniki tum wako logonip o,” yinuk, yoragagerak.


Niniki nen obeelom eeriyak mbakwi kwe, nineebe nen eeriyak meek ee'ninake menggerak me, maluk eeriyak kinikime nggagani wage kero, tum wako logonet, tamban eeko logonip o.”


Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.


Ndi eyom woroorak kineenggo'lek aret me, kiniki liippunuk logonet, tum wako logonip o.


Wone an yokkiragarak ti kwak, it aakumi abok aret yorage agarik o,” yinuk, yoragagerak.


Yoge mbareegi, malayikat nogo nen, “Ala ake eeke minggirak Nggabiriyen nogo an aret me, wone obeelom wone yi, wonok, Yori nak o, yo'nege mbaki, yokkiri wagi o.


Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,


at Ala nen, It aap yi obeelom aret me, ninom logowok nduk, kambunuk nogo menggam nen ineenik agago mippiyaakit, mbake nogo perak, Ala nen mippiige mbaremenggi inom logonet, aap nen kumi wogonakwi, kumi nen aap wogonakwi, eeko logogun lek aret o.


At aap nogo aaganapuri inom abok aret Ala inagabiti warak logonet, Ala wone liippunuk eeko nogogwaarak. At aap koowarak aret me, it Yakuri inamendek lek kenok, yeenggwaarage, tamban mban eeke, eeke nagagerak me,


Kit kinagabiti lek kinogogumbuk logonet, Ala abet mbakwi nogo paga kiniki kwippunuk, tum pippak wako logonip o.


At ninowe Yetut eenik agago mippereegerak nogo nen peebi nit ndak-ndak nineenik agago mippinanege logomenggerik, Yetut ninom logowok nduk, kit ninom at owagam pinani nagin nineenu me, obeelom wone ti, mondok abet mbako logonet, yogo ogoorik o.


Ko'lu-kii'me nogolumok yega'lek tamban mban eeko logonet, Ala, “Wa!” mban yogo logonip o.


Togop kwe, kat perak, kiniki tum wakkolage logot o. Maluk eeppagagwi iigak, kogogumbuk logonet wagangge, aap obeelom wone yoranet nugu mengga kwak, kat ndak-ndak yoranet nege, eeke logonok nduk, mippagareegwaarak nogo ndak-ndak aret eeke, eeke logot o.


O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.


Kit kinom ogoorak monggotak Tile nogo nen maluk eekkinabikit nduk, nggeewo anini warak pogom nibingginaburak eyak nde agan kwaakkinabit nege me, kit mondok kiniki warak a'nuk, kinagaket paga logonet, tum wakkologo logonip o.


Ndi, napuri niniki kunik yi wae. Peebi at woroorak nogo eyom paga nit ninenggali lek niniki teeluk logowok nduk, yogondak nen niniki ambit a'nuk Yetut ninom kunik aret logowok o.


Ninowe Yetut Keritut eereegerak paga ninagap ndareegerak at Ala nogo nen nit abet mbareegurak nogo mbo punuk, alik eerit nogwe niyo, ninarum liirogon logomenggerik, “Kit wone ambi kinoba wonage lek abu obeelom aret me, nowagam mi'nari woraanip o,” yinuk, yo'nirage mbaremenggi, nit niniki ale'nggen mbakak at mondok tiyanak menggerak enggaanom mi'nari nawok nduk, wo'niren pinani nagin aret me, yi aakumi ndi aakumi aa'nduk nda'nogogwaarak inom, yogondak ndarak inom, peebi nda'nariyak inom, nit abok ninogoba ambit ninagap ndaka kat aret me, kat aap nggwok kendagembogut komaawi ambik yi aakumi ndi aakumi abok kabu'me logonet, kat koone mban konenggwi, kat kendage mban tiyappagagwi, eeko logowak o. Amin.


Eyo tayitun mbere inom, ndi, ndi wuninogo pegak mbere inom, at yi mendek ndi mendek alom unde ninogoba abu'me menggerak nogo pogom ti, it Ala wone yorogo menggaarak ineebe mbere nogo aret o.


Ti eeke kage nagarik, it aakumi inanebunu inalitak lombok inom, inoone alitak inom, inagabolo alitak inom, inenggela'me nen ambitak nggigik kuwak eereegwaarak nogo ti, ineebe ambik ineenggi lingginiyak abu meek iigirak. It aakumi ti, inambogoyum nggorek yanggwi negen yippunuk eyoongga kalenak wik-wik eeko logonet, at wone lengganogo yorage menggim eyo ndoonak paga kwi'ndak wonage nogo inom, Ndomba Aagaluk nogo inom, imbirak inabu'me mi'na'nuk,


it malayikat ineebe 7 Ala abu'me mi'ndak menggaarak nogo oone nggwok eeka trompet 7 wogorage kagarak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ