Lukat 21:27 - Ala Wone Peenok Peebi Mbanak

²⁷ Ti eeke kenok, an aap aret nda'nagagirak nogo nobanggi-nobangge li'luk eekko'nok nayuk warak logonet, ndugwi enggela'me wage neyaamunggup o.

Lukat 21:27 ပူးပေါင်းရင်းမြစ်များ

Ndaniyen 7:13

Oonikiya ti paga mban nabinggaanggo kage logonet, aakumi inaput ndarak negen ambi o mbogut ya'i ndugwi enggela'me wage nagaarik, at Anggok Ageelik Itok Menggerak kwi'ndak wonage me nogome wage mbaki, at enggaanom paga pi wogwe iigirak.

Matiyut 24:30

Eeke mbaremenggi, ne ti eyom paga an aap aret nda'nagagirak woroorak ineenu ariyak mendek ambi mbogut paga time eeke kenok, it aakumi nggween paga inanebunu lombok nen leenggu maakwi iigak, an aap aret nda'nagagirak nogo nobanggi-nobangge li'luk eekko'nok, nomaawi warak logonet, mbogut paga ndugwi enggela'me wage neyaagun o.

Matiyut 25:31

Yetut wone ambinom yorage logonet, “An aap aret nda'nagagirak nobanggi-nobangge li'luk eekko'nok, it malayikat abok aret ninom wage logominggirik, an wone lengganinake minggim tiyanak nogome neegak,

Matiyut 26:64

Yoge mbareegi, at Yetut nen, “Yagandak ti aret o. Togop me, kit abok aret an ambi yokkira o. O yogondak yi kuli paga nen an aap aret nda'nagagirak yi, at Omaawi Lombok Menggerak eenggi abe'nggan kwi'ndak wonage logominggirik, mbogut paga ndugwi enggela'me wambi wage neyaamunggup o, yinuk, yokkiragi o.”

Marakut 13:26

Eeke mbaremenggi, an aap aret nda'nagagirak nogo nobanggi-nobangge li'luk eekko'nok, nayuk warak logonet, ndugwi enggela'me wambi wage neyaagun o.

Lukat 21:26

It mbogut oolo yime inomaawi menggaarak nogo inaganak nugirage kenok, it aap abok nen yi mendek ndi mendek o nggween paga arit woroorak nogo, Yi aret arit wage kogo, yinuk, inagabiti nen iniki abu lek arigin o.

Wayu 1:7

At ndugwi paga wage kenok, it aakumi o nggween paga menggaarak inanebunu lombok at wareegwaarak nogo mendek inom abok aret inalitak lombok nen inigen kogo logomenggaarik, leenggu maako logogun me, liippogo logonip o, yinuk, abet aret yokkiragi o. Amin.

Wayu 14:14

Wone ari nogo naruk konengge nagarik, wonage me, aakumi inetenggen pogom ambi nggare-nggare mendaarak mbuti emas mendek anobak paga yirik, ndi, paloowi ena yomonak ngget ambik eenggime porogo logonet, ndugwi abinak lan ari nogo paga kwi'ndak wonage nenegen kagarak.