Lukat 21:25 - Ala Wone Peenok Peebi Mbanak

²⁵ Yorage nagagerik, ambinom yorage logonet, “Kineenu arubagip nduk, oonegen inom, tut inom, laaluguragan inom, ti abu alik tam warak negen eeke kaamunggup o. Ndi, o nggween paga yime yi yenggenak oonebu ari logonet, mondok kilaarak-mogonik eeke kenok, it aakumi inanebunu lombok abok aret, Yi nonggop eerit wage iya! yinuk, iniki abu ma'narugun o.

Lukat 21:25 ပူးပေါင်းရင်းမြစ်များ

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 17:12

It aakumi inanebunu lombok nen ya-kwa agan nugwi ti, iya o! Niyo laut tiyak-tebek eeke logonet, oone ne eerogo wunabit wage menggi kwak agan nugu agaarik o. Yi aakumi ndi aakumi inanini nen ya-mba agan nugwi ti, iya! Niyo taakut oone wo eerogo wuppi wage menggi kwak agan nugu agaarik o.

Yetaya 24:23

At Omaawi Lombok Menggerak Aliku ALA o kota Yerutalem puut Tiyon logonet, Endagembogut a'nuk wone lengganogo yorage, Aakumi at apuri inoweewi nen at abinak kwindagala aago logonet eerit nage inigen kaawak nduk eeke, Eeke kenok, Tut nogo nen, “Nabinak mbuuluk me nagabiti o,” ari, Ndi, mo nen, “An nenggali aga o,” yinuk, ari, Eerugun o.

Yetaya 5:30

Ne ti eyom paga niyo laut yenggenak oone wo ari menggi kwak, wim nggoguk ari kagak, It wonogo menggam yumaak eerak wonage, iniki ma'nage, Ndugwi nen o eya apit eerogo pege, Eerigin nogo Inigen kaagun o.

Yetaya 51:15

Niyo laut oone wo-wo eeruwak nduk kilaarak-mogonik eeke minggirak Naliku kinogoba Ala an aret o. Ndi, nendage ti, Nomaawi Lombok Minggirak Naliku ALA aret.

Yeremiya 4:23

An nen o nggween yi pekkage logonet, Owak mbanak naalop-kaalop aago wonage kage, Mbogut paga nikkage logonet, o eya eeka lek aret kage,

Ndaniyen 12:1

Ari nagagerik, at aakumi inete kwak nogo nen ambinom ari logonet, “Ne ti eyom paga it aakumi kat mendek inarum waka endage abu tiyanak nagawan Mikayen nogo mi'narigin o. Mi'nage kenok, aakumi aaninggin-paaninggin mondok alik negen inoba kwi'narigin o. Aaninggin-paaninggin inoba kwi'narigin nogo ti, yi aakumi ndi aakumi wiganit wundi wogo logonet, inanebunu awo kin aga'lek kuli nen nok, at mi'naremenggerak kuli, aaninggin togop inoba kwi'nageelik kwe, ti eyom paga aret kwi'narigin o. Togop kwe, ne ti eyom paga it aakumi kat mendek Ala ambuku paga inendage liiru mbanak wonage kenok inagap ndarigin o.

Mika 7:4

It aap ti abok aret ineraambe maluk lombok wonogwe kwe, inenggela'me ambiriluk ambi eraambe mbuuluk obeelom negen wonage nogo ti, alok kwak wonage, Ndi, it abok iniki nggolawe wonogwe kwe, it inenggela'me ambiriluk ambi iniki mbuuluk abe koonak wonage nogo ti, poondo alok kwak wonage, Eerak aret menggaarak o. It inigen wokkiren nega woroorak yokkirogo menggaarak nogo, ne muk ari wagaarak wonage, At Ala pekkiya woroorak ne nogo, muk ari wagaarak wonage, Eerak aret me, O yogondak naalop-kaalop eeginaburak abu aret agaarak o.

Matiyut 24:29

Wone ambinom yorage logonet, “Kineebe aaninggin-paaninggin eeppinagago mbaremengga, Oonegen apit age, tut abinak lek age, Laaluguragan mbogut paga nen nggaru-nggaru nggween paga wambit wage, It mbogut oolo yime inomaawi menggaarak nogo, inaganak nugirage, Eerigin o.

Matiyut 27:45

Yogo mbareegwa, o liingge oonegen 12 kuli paga nen nok, oonegen 3 kuli ari nage kagak, o time apit aago aret wonagagerak.

Marakut 13:24

Wone ambinom yorage logonet, “Ti eyom paga aaninggin-paaninggin eeppinagago mbaremengga, Oonegen apit age, tut abinak lek age,

Marakut 13:26

Eeke mbaremenggi, an aap aret nda'nagagirak nogo nobanggi-nobangge li'luk eekko'nok, nayuk warak logonet, ndugwi enggela'me wambi wage neyaagun o.

Marakut 15:33

Enggali wappogo mbareegwa, o liingge oonegen 12 kuli paga nen nok, oonegen 3 kuli ari nage kagak, yi awi ndi awi time o apit aago wonagagerak.

Lukat 21:24

Ando tege wooluwak paga inookwi iinok kanggwi, ando keele maarogo yi aakumi ndi aakumi inawi lombok time piya nogwe, eerugun o. Ndi, at Ala nen, It aakumi endekem mendek unde iigak, Tahun ndogop eeko logogun o, mbareegerak nogo a'me lik yega'lek kagak, it aakumi endekem mendek nen o Yerutalem iniyok aan lebenogo pit nogo logogun o,” yinuk, yoragagerak.

Lukat 21:26

It mbogut oolo yime inomaawi menggaarak nogo inaganak nugirage kenok, it aap abok nen yi mendek ndi mendek o nggween paga arit woroorak nogo, Yi aret arit wage kogo, yinuk, inagabiti nen iniki abu lek arigin o.

Nappiigak 2:19

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, kaluk aagi inom, eerigin o.

Wayu 20:11

Ti eekwi iige nagarik, wone lengganogo yorage menggim eyo nggwok ndoonak yanggwi lombok lan ari nogo paga aap ambi kwi'nage kagarak. Awo kwi'nage kagak, mbogut-nggween eenggi-iyok lek, lek age mbaki, ti'nuk, peebi obaane'me ari wage koolik mondok-mondok lek aret age kagarak.