Lukat 20:9 - Ala Wone Peenok Peebi Mbanak

⁹ Ti yorage nagagerik, wone eegu laarogo it aakumi apit yoragagerak nogo yi aret o. “Aap ambi nen anggur awi yake nagagerik, anggen mbanogo ando it kologwe, ando at wogogwi, eeko logowak nduk, at eyabu yarak me arum piinok, o nda time logonuk, woraakit nduk, nagagerak.

Lukat 20:9 ပူးပေါင်းရင်းမြစ်များ

Yeremiya 2:21

Eyo anggur awi abu abe kero leenogo yako mengga kwak it togop aret eerogo piyareegirak kwe, Yogondak an mbakirak ndak-ndak aga'lek eyo anggur abe lek ogun penaame mendek kwak ogogwaarak ti, Nonggop eeginabeegerak paga ogogwaarak?

Matiyut 25:14

Yetut nen wone ambinom yorage logonet, “An woraagin nogo ti, aap ambi o ambi me noorak nduk eeke logonet, at ayeloman wiirage mbareegi, wogogwaarak me, amindik-amendek unde logowak nduk, wogoragagerak nogo pogom aret o.

Lukat 19:12

“Aap nagawan aput ambi nen, O nda time nage neenok, aap nggwok nendagembogut mippanugwi iinok, woraakit o, yinuk,

Lukat 20:10

Nagagerak time wonage kagak, anggur anggen yugu nogo kole age mbareegi, it at eyabu yarak arum piinok nagagerak nogo nen anggen yugu mbanogo wogoruwak nduk, ayeloman ambi inowagam nappi wagagerak. Nappi wagagerak wage mbareegi, it at eyabu yarak me arum wonogwe nogo nen ayeloman wagagerak nogo eebe yawi wappogo nogogwaarik, anggen mbanogo wogorulik we aret nappereegwaarak.

Lukat 20:8

Yogo mbareegwa, at Yetut nen, “Ndi, ti kenok, an kunduk, ta nen yo'nereegerak paga eeke minggirak yi, yokkiraagin lek o,” yinuk, yoragagerak.

Pelaareegerak 16:18

Yorage nagagerik, ambi yorage logonet, “At Aliku kinogoba Ala o wokkiramenggerak kinawi kota alitak lombok logonet, aakumi li'lak inawone amburu mbanggo logowak nduk, aap inowak loongga inom, inanebunu inalitak lombok wone lengganogo yoraga inoweewi inom, mippiyaamunggup o.