Lukat 20:7 - Ala Wone Peenok Peebi Mbanak

⁷ yinuk, yogo nogogwaarik, at yogo logonet, “Ta yoreegerak paga yiime wuppiige nagagerak nit nineenggo'lek o.”

Lukat 20:7 ပူးပေါင်းရင်းမြစ်များ

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 29:14

Togop me, an nen iya mbariyak mendek eeppiinet mban naminggirak paga iniki lek age, It aap iniki warak nen iniki warak logonet agan nugwi nogo lek arit nage, It aap ineenu nen ineenu logonet yorogwe nogo, kobak age, Eerigin,” yegerak o.

Yetaya 41:28

Yendok-wandok nenegen yambonit nege logonet, Kit kinenggela'me ambi nen, Wone ti, yogop aret o, yinuk, yo'nugwi, Kin wokkiige neenok, kit ambi nen wone onggo yo'nugwi, Eeka'lek me,

Yetaya 44:18

It aap ti, ineenu ogwe, liippugwi, eekulik kobak aret wonogwe, Inigen purok lenggenak kwak me, kaga'lek wonogwe, Iniki apit kwak me, liippega'lek wonogwe, Eeko agaarik o.

Takariya 11:15

Kalenogo pege mbareegi, Aliku ALA nen an yo'nege logonet, “Ne yogondak yi paga aret an nen aap ndomba ndegeninaka ambi an napuri o yime wonogwe nogo ndegeninake logonet, ndomba lek ogwe iinok liippiige, inaagalogwe kobak ogwe iinok kwaarinake, inawin ogwe iinok nggerembiige, ineebe obeelom logorak liirogon unde wogonake, eeka'lek ndomba amok warak kero, inoorogo nengge logonet, iniyogobit inom longgonogo punuk, nengge logorak nogo mendek mippigin me, it aap ndomba abe ndegeninakwi lek kwak a'nuk, eerit nage logot o.

Takariya 11:17

Aap andomba liirogon ndegeninake lek mbo piinok, mbagangge ti, we aanom warogo wonage me, abuwa o! Wooluwak paga at eenggi polonogo waremenggaarak me, eenggi nggunak ari, Enegen abeme waremenggaarak me, enegen mondok mbuk age, Eeruwak o,” Yinuk, an yo'nereegerak.

Lukat 20:6

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, Ia! It aakumi abok aret, At Yaya ti, Ala nen yoge kagak yoraga mendek mbakwi me, yugum paga ninoorugun o,”

Lukat 20:8

Yogo mbareegwa, at Yetut nen, “Ndi, ti kenok, an kunduk, ta nen yo'nereegerak paga eeke minggirak yi, yokkiraagin lek o,” yinuk, yoragagerak.

Yaya 9:39

Ayuk wuke mbareegi, at Yetut nen, “It inigen mbuk kenok inigen obeelom eeginake, inigen obeelom kenok inigen mbuk eeginake, eeke logonet, kinowak loonogo pinagakit nduk, an o nggween paga yime wambi wagagirak o,” yinuk, yoragagerak.

2 Peterut 3:3

Kit kineenu arubagip nduk, wone aa'nduk lombok yi aret yokkira o. Peebi o age yobok paga it aakumi miyuk-meya eerogo piigwi, iniki nen nengge kenok mugurok nogwe, eeka nogo nen, wogo logomenggaarik,