Lukat 20:5 - Ala Wone Peenok Peebi Mbanak

⁵ Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at oba panggombunuk, abet mbaka'lek nonggop nduk, wonogotak? yo'niraagin o.

Lukat 20:5 ပူးပေါင်းရင်းမြစ်များ

Matiyut 16:7

Yorage mbareegi, it nogo ambi yagak ambi yagak yogo logonet, “Roti wonok woroolik kenok yo'nirage kogo o,” yinuk, yogwe

Matiyut 21:25

Yorage nagagerik, it yorage logonet, “At Yiime Wuppiiga Yaya nogo ti, ta nen yoreegerak paga wuppiige nagagerak? Mbogut paga nen yoreegerak paga wuppiige nagagerak a, aakumi nen yoreegwaarak paga wuppiige nagagerak a? Kit yinip nda!” Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at abet mbaka'lek nonggop nduk wonogotak, yinuk, yo'niraagin o.

Lukat 20:4

At Yaya yiime wuppiige nagagerak nogo ti, mbogut paga nen yoreegerak paga wuppiige nagagerak a, aakumi nen yoreegwaarak paga wuppiige nagagerak a? Yo'ninip nda!”

Lukat 20:6

Ndi, nit nen, Aakumi nen yoreegwaarak paga yiime wuppiige nagagerak o, yogwi niinok, Ia! It aakumi abok aret, At Yaya ti, Ala nen yoge kagak yoraga mendek mbakwi me, yugum paga ninoorugun o,”

Yaya 1:30

Aap ambi an nambokan woraagin nogo an nda'naga'lek neegak, at aa'nduk wonagagerak me, an ta mbuuluk. Ndi, at mondok nggwok aret o, yinuk yokkirage minggirak nogo eebe yi aret o.

Yaya 1:34

an aret nenegen kage nagarik, Yi Ala aput aret o, yinuk, paganogo yokkiragi o,” yoragagerak.

Yaya 3:26

Alelo wappunuk, Yaya owagam wogo nogogwaarik, at yogo logonet, “Ngguru wae. At kimbirak yi Yoraran enebaga logonet, abok paganogo yoragagindak nogo, niyome wuppiige me, aakumi apit at ka nogo agaarik o.”

Yaya 3:36

It aakumi iniki Ala aput oba panggombunuk, abet mbakwi iinok, mondok-mondok ineenik aret logogun kwe, it ando Ala aput oone konembunuk, eeka'lek iinok perak, ineenik logogun lek o. Ala anini inoba aret logogin o,” yinuk, yoragagerak.

Nappiigak 13:25

Yorage nagagerik, ti'nuk, at eeke nagagerak nogo abu irip nggobok yuurak age kagak, at Yaya nen ari logonet, An ta, nombako ogotik o? At woroorak tokkogo monggotak nogo, an lek o. Ti an lek kwe, at an nambokan woraagin aret me, wage kenok, aap nggwok me, an nen iyogogut piiniyak meek, yorage nagagerak o.”