Lukat 20:28 - Ala Wone Peenok Peebi Mbanak

²⁸ at kin wokkogo logonet, “Ngguru wae. At Muta nen, Aap ambi kwe woppunuk, apuluk ndaka'lek kagak kangge kenok, owe obaane'me apuri ndagaruwak nduk, awot nen at owe nanu nogo kolaawak o, yinuk, liiru mbanniragagerak me,

Lukat 20:28 ပူးပေါင်းရင်းမြစ်များ

Wakkagagerak 38:11

Wake mbareegi, at Yekura nen, “An napuri imbirak inookerak kokwak, naput peebi ndarak Tiyela yi, togop aret warukwak,” mbake nagagerik, ayinggelo Tamat nogo yoge logonet, “Kwe yi wae. An naput Tiyela tawe age tokkage logonet, we togwe aret kagalo-kogoba wonogwe me kinom a nak o.” Yoge mbareegi, at Tamat nogo agalo-ogoba wonogwe me iya nagagerak.

Wakkagagerak 38:26

Yoragagerak wogori nogo mbareegwa, Yekura nogo nen, “Ti an namendek nogo aret kagi,” mbake nagagerik, “Kwe yi nen maluk eekerak lek o. Napuluk Tiyela wogogibok nela nen wonagarak me, maluk eeki o.” Ari nagagerik, kwe nogo imbirak ambinom lambungga'lek aret wonagagerak.

Wakkagagerak 38:8

Kangge mbareegi, at Yekura nen at Et awuluk Onan nogo yoge logonet, “Kat koweeluk Et nogo obaane'me pugu lek aret kanggerak me, endage ki logowak nduk, koweeluk togwe pegerak kwe Tamat ti, kolage logomenggendik, kimbirak nogo yu o.”

Lukat 20:29

aap ambi apuri ineebe 7 aret ndaganabeegerak. At manggu ndarak nogo nen kwe wagangge nagagerik, aput ndaka'lek kagak kambeegerak.