Lukat 20:23 - Ala Wone Peenok Peebi Mbanak

²³ Yogo mbareegwa, at Yetut nen it at ambokan laganggwi yelok iige nagagerik, yorage logonet,

Lukat 20:23 ပူးပေါင်းရင်းမြစ်များ

Matiyut 16:1

Wage mbareegi, it aap Pariti mendek inom, aap Taruki mendek inom, Yetut ka nogo nogogwaarik, abut mbanuwok nduk yogo logonet, “Nineenu ariyak mbogut paga mendek ambi eeke keyaawi o.”

Matiyut 22:18

Yogo mbareegwa, at Yetut nen it wone maluk lombok koonggwi yelok iige nagagerik, yorage, “Kit kiniki laakot logonet, yogo monggotak yi, nonggop nduk, At yemenggerak paga yilinogo puwok, mba'nuk, yo'nogo ogotik?

Lukat 20:20

It Ala wone liiru mbanak unde inom, it aap Ala unde inoweewi inom, nogo nen Yetut inigen wonok nugu logowak nduk, inawuri nappiyareegwaarak. Inawuri nappiyareegwaarak nogo nen, “Yetut oone ninggin yemenggerak paga yilumbunuk, eebe pigogo aakumi inarum menggerak gubernur nogo nen awone mbaniyak at obaalombok aret me, awone mbanuwak nduk, pi nawok o,” yinuk, “Nit aap abet ninombaruwak,” mba'nuk, inoone abet ndom-ndom agan nugu nogogwaarak.

Lukat 20:22

aap endagembogut Kayitat ake wu puurak ti, op a, mage a?”

Lukat 20:24

“Mbuti wu ambi titi'ninip o,” yorage nagagerik, wogogo mbareegwa, it yorage logonet, “Ta enete ogobakkigirik endage liiru mbanak mbakop?”

Lukat 5:22

Mbakwi nogo Yetut yelok iige nagagerik, yorage logonet, “Kit nonggop nduk kiniki togop mbako ogotik?

Lukat 6:8

Inigen pippak agago pugwi iigak, it mbakwi nogo at Yetut yelok iige nagagerik, aap eenggi kambak negen nogo yoge logonet, “Mi'nage logomenggendik, oolo yayi mok o,” yoge mbareegi, aap nogo mi'na'nuk, oolo aret mi'nari nagagerak.

Nappiigak 13:10

“Kat Ibilit aput yi, maluk eeke logonet, obeelom eeriyak keebi mbake menggendak kat aret o. Pilit pugungga iyagalo kat aret me, aakumi inambokan laganikit nduk, yi wone ndi wone ugun pugunogo yorenet nage menggendak. Ala oone abet mban ari menggerak nogo abut lagangge logokit, mbake menggendak nogo, puk arikit mbaka'lek nonggop nduk, ari mban menggendak?

1 Korindut 10:9

It ando nen, “Ala nonggop ee'ninake kaamun?” yinuk, anini eeppogo mbareegwa, waalo nen eyak mbaninabit nage mbareegi, kambit nogogwaarak nogo kwak, nit togop aret kambit nookwak, “Nonggop ee'ninake kaamun?” yinuk, Ala anini eeppuurak mage o.

1 Korindut 3:19

It aakumi nggween paga mendek nen, “Abok nineenu me, niniki warak aret o,” yinuk, mbakwi nogo, Ala nen, “Yi wi negen aret agan nugwi,” inombake menggerak. Aap ambi ari logonet, “Iniki ngget paga maluk eeriyak koonggwi nogo, Awo koonggwi iigak, Ala nen nggerok togon wagangge menggerak o,” yinuk, ari,

Epetut 4:14

Togop me, noreewi o. Yi kilaarak-mogonik eeke logonet, yi mendek ndi mendek piyanogo nippege, o wiya nen yi mendek ndi mendek wonok nage, eeke menggi kwak, elege-aabologwe ti, togop aret wonogwe me, kit kunduk togop logonet, it aakumi pilit wone yogo menggaarak nogo nen aakumi inambo'me laganuwok nduk, iniki koombunuk, inoone amburu paga nomoniren nawok nduk, agan nugwi wone ti mendek kit ugun konenggo logorak mage o. Ata, Keritut iniki mondok kole menggi kwak, nit togop aret niniki kole eeppinanit wundi wage kenok, nit elege-aabologwe togop ti ndak-ndak logogun lek o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.