Lukat 20:14 - Ala Wone Peenok Peebi Mbanak

¹⁴ Nappi wagagerak wage mbareegi, it aap at eyabu yarak arum wonogwe nogo nen aput wage inigen kogo nogogwaarik, it-it wone mbanggo logonet, Aput eyate koloorak yi aret me, eyate nit aret kolaawam, aput yi mondok waruwok o, yinuk,

Lukat 20:14 ပူးပေါင်းရင်းမြစ်များ

Ndawi 2:8

Togop me, an yo'nege keenok, Yate kwak yi aakumi ndi aakumi unde logonok nduk, wokkege, Kamendek kwak o irip-irip time unde eeppagage, Eerigin me,

Ndawi 89:27

An naput manggu ndarak negen eerogo pege, O nggween paga yime aap inendagembogut tebenak iigak, At endage mondok tiyappege,

Matiyut 16:7

Yorage mbareegi, it nogo ambi yagak ambi yagak yogo logonet, “Roti wonok woroolik kenok yo'nirage kogo o,” yinuk, yogwe

Matiyut 21:25

Yorage nagagerik, it yorage logonet, “At Yiime Wuppiiga Yaya nogo ti, ta nen yoreegerak paga wuppiige nagagerak? Mbogut paga nen yoreegerak paga wuppiige nagagerak a, aakumi nen yoreegwaarak paga wuppiige nagagerak a? Kit yinip nda!” Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at abet mbaka'lek nonggop nduk wonogotak, yinuk, yo'niraagin o.

Matiyut 21:34

Nage nagagerik, time logonet, anggur anggen yugu nogo mbaniyak eyom panggo ari kagak, Anggen mbanak an wo'niriyak nogo, wo'niri woraawak o, yinuk, at nagagim arum wonogwe nogome awuri inowagam nappiya wagagerak.

Lukat 19:47

Yetut ko'lu-kii'me Ala awi wurik me wone mamunirage nagagerak. Mamunirage nagagerak kwe, it Ala unde inoweewi inom, it Ala wone liiru mbanak unde inom, it aakumi inoweewi inom, at Yetut wariyak nduk, eereegwaarak kwe,

Lukat 20:13

Aap nappiya wagagerak nogo togop mban aret eeppiigo mbareegwa, aap yabu yarak unde nogo nen ari logonet, An nonggop eeri o? An naput niniki kunik yi, nappikit o. Nappege neenok, at ayuk wurogo waganggwi iyaamun ilik, lek a? yinuk, nappi wagagerak.

Lukat 20:15

wulaga nogo wage mbareegi, eebe yabu yarak me nen mugogo endekem wumbunuk, mondok wareegwaarak. Ti eereegwaarak nogo at yabu yarak unde nen it aap ti, nonggop eeginabigin mbakop?

Lukat 20:19

It Ala wone liiru mbanak unde inom, it aap Ala unde inoweewi inom, nen, “Wone eegu laarogo yegerak ti, nit niinok yigi o,” yinuk, yelok kogo nogogwaarik, ne ti eyom lombok Yetut pigaawok nduk, eereegwaarak kwe, aakumi inagabiti nen puk ogogwaarak.

Lukat 20:5

Yorage mbareegi, it-it wone mbanggo logonet, “Nit nen, Mbogut paga nen yoreegerak paga yiime wuppiige nagagerak o, yogwi niinok, at nen, Ndi, ti kenok, kit kiniki at oba panggombunuk, abet mbaka'lek nonggop nduk, wonogotak? yo'niraagin o.

Lukat 22:2

it Ala unde inoweewi inom, it aap Ala wone liiru mbanak unde inom, nen aakumi inagabiti nen, “Yetut nonggop agago waruwi o?” yinuk, koonit nugu nogogwaarak.

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Nappiigak 3:15

Nineenik ee'ninake menggerak alom nogo at aret kagak wakotak kwe, Ala nen kanggo menggam nen eenik agago mippegerak nogo ninigen kogoorak me, paganogo yokkirogo ogoorik o.

Oroma 8:17

Ndi, nit at apuri kenok, aap ambi kangge logonet, eyate apuri unde eeppiige menggi kwak, Ala nen at apuri unde eeppiyoorak koonogo pereegerak nogo nit aret koloorak me, Keritut ninom ndak-ndak aret kologo logogun o. Ndi, at Keritut piyak-payak eerogo pugwi iigak wagangge nagagerak nogo kokwak, nit ti ndak-ndak waganggwi niinok, at tiyappereegerak nogo kokwak, nit togon togop aret tiyappinanigin o.

Iberani 1:2

o yogondak irip paga perak, ninenggela'me logonet, ogoba oone yo'nirage logowak nduk, aput lombok nappi wagagerak o. “Naput mban yi mendek ndi mendek unde logowak o,” yinuk, mippege nagagerik, ogoba nen, “Yogop ee'nu, ndogop ee'nu,” yoge kagak, aput nogo nen mbogut-nggween yi mendek ndi mendek abok aret wakkagagerak.