Lukat 2:51 - Ala Wone Peenok Peebi Mbanak

⁵¹ Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

Lukat 2:51 ပူးပေါင်းရင်းမြစ်များ

Wakkagagerak 37:11

Yoge mbareegi, it at oweewi inikime nen, “Nit niigak at mban mippuurak ari ilik?” mbako logonet, mondok inanini agaket yogwe iigak, at ogoba perak, abi kagagerak nogo iniki nen liippunuk, abeke, koongge, eeke nagagerak.

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Ndaniyen 7:28

Nabi kagarak alom kin paga yo'negerak nogo ti aret. Yo'nege mbaki, Wone yi, nonggoti yo'nege kagi? yinuk, an Ndaniyen nen niniki koonit nage logonet, niniki piirik lombok ee'nake, nagap nggilaame nek togon eerogo panege, eekerak kwe, aakumi ambi yoroolik nalik mban ninikime wonagarak o,” yinuk, liiru mbaneegerak ti aret.

Matiyut 12:46

At Yetut nen it aakumi kuwak aago nogo, wone awo yorage wonage me, at agalo inom, awurilogwe inom, wogo nogogwaarik, at inom wone mbanuwok nduk, endekem wonogogwaarak.

Matiyut 3:15

Yoge mbareegi, at Yetut nen, “Nit togop eekwi paga Ala nen obeelom lombok eeko logorak mbareegerak nogo, abok aret a'me lik yuwak nduk, eeriyak me, E, yu o,” yoge mbareegi, “E o,” yereegerak.

Marakut 1:9

Yorage wonage me, at Yetut o Nggalileya tini Nataret nen wagagerak. Wage mbareegi, at Yaya nen yi Yoraran paga yiime wuppereegerak.

Marakut 6:3

“At kwe Mariya aagaluk o wuka yi aret nogo lek a? At awuri Yakobut inom, Yotet inom, Yurat inom, Timon inom, nogo lek a? Ndi, at awurilogwe komologwe ninom monggoorak nogo lek a?” yinuk, at Yetut ineebi mbareegwaarak.

Lukat 18:37

Yorage mbareegi, it aakumi nen, “Lek o! Yetut awi Nataret mendek nogo, tu yi paga wage kenok, agan wogo agaarik o.”

Lukat 2:19

Pi wareegwaarak kwe, at Mariya perak, wone agan nugwi nogo abok aret iniki kundugu eekkolage logonet, iniki koongge nagagerak.

Lukat 2:39

Elege ndake kenok, “Ndogop eeko logorak o,” yinuk, ninogoba Ala nen yereegerak liiru mbanak nogo, agalo-ogoba nen abok aret li'luk eerogo pogo nogogwaarik, iniyok paga iname o Nggalileya yaga'lelo Nataret aret nogogwaarak.

Lukat 4:16

Ti'nuk, peebi at Yetut tawe age nagagim o Nataret nogome nage nagagerik, Yakuri tamban eekwi paga it tamban eeko menggam nogome unggwi nage nagagerak me, unggwi nage nagagerik, Ala wone liiru mbanak paga pekkagak yoraakit nduk, mi'nagagerak.

Lukat 4:23

Yogo mbareegwa, at Yetut nen yorage logonet, “It aakumi nen, Ndotet wae. Kat keebe obeelom eekkolet o. Ndi, ambi, O Kaperenawum eeke nagandak, konenggoorak nogo, kat kame nda'nagaginom yime togop aret eeke logot o, yogo menggaarak nogo, an yo'niriyak nduk, eekwi kiigi o.”

Epetut 5:21

Ninowe Keritut ayuk wuko logonet, kiniki tebe yinuk nabu'me-kabu'me logonip o.

1 Peterut 2:21

Keritut andi-pandi eerogo pereegwaarak nogo ti, “At andi-pandi oba pugwi iigak, at maluk eeke, An togop eerulik o, yinuk, aana'le mbanggolage, Ti eerulik o.” It nen miyuk-meya eerogo pugwi iigak, at nen onggo miyuk-meya eerogo piige, wakwi iigak, at nen wone onggo yorage, ti eerulik mban. Ata, at iniki ogoba Ala oba panggombunuk, “Nogoba wone a'me nggelok mban inowak loongge menggerak nogo nen nawone mbanigin o,” yinuk, iniki kwi'ndak logonet, waganeegerak nogo ti, nit ninake aret waganeegerak me, at eereegerak nogo kokwak, nit togop ndak-ndak eeko logowok nduk, Ala nen ninayonggo pereegerak o.