Lukat 2:36 - Ala Wone Peenok Peebi Mbanak

³⁶ Ala yoge kagak yoraga mendek kwe ambi aap Panuwen apuluk endage Kana anebunu Atet mendek aret wonagagerak. Kwe nogo ogonggelo wagangge nagagerik, imbirak wonage kagak tahun 7 aret eeke nagagerik,

Lukat 2:36 ပူးပေါင်းရင်းမြစ်များ

Wakkagagerak 30:13

Ndake mbareegi, at Leya nen ari logonet, “An niniki ale'nggen ambik ee'nake kenok, it kumi abok nen, Kwe yi ale'nggen alik negen eeke kogo, yinuk, yogo logogun me, endage ti, Atet aret o,” yinuk, tooneegerak.

2 Endagembogut 22:14

Yorage mbareegi, at Ala unde Kilikiya inom, Akikam inom, Akobot inom, Tapan inom, Ataya inom, kwe Ala nen yoge kagak yoraga aap it Ala unde inayum pipuk eerogo piiga Karakat ombooluk Tikwa aput Talum akwe endage Kulara nogo, o Yerutalem peebi nambit-mbit wurik me nogome wonage me, yori nogogwaarak.

Ayup 5:26

Ndi, kat perak, gandum anggen mbanak nogo Mbelaniyak eyom ari wage kenok, Mbelanggo menggam mambogo mengga kwak Kagabolo ki keegak kanggok a'nuk kangge keenok, Piya unggwogo menggam pagi unggugun o.

Ndawi 92:14

Aap inanggok ari nogwe iigak, Eyo anggen yege menggi kwak, anggen abe yugwi, Eyo mbuk aga'lek ki menggi kwak, it togop aret wonogwe, Eeko logonet,

Wundeegwaarak 15:20

Karun awuluk Ala wone yoraga kwe Miriyam nogo nen togolowak eenggime wagangge nagagerik, oone lobale eeke kenok, it kumi apit aret kwirabok yogo logonet, at eeke ndak-ndak eekwi iigak,

Yetikiyen 13:17

“Aakumi nen ndarak yi wae. Kumi kat mendek iniki mba'nuk nen mban, Ndogop kagarak o, yorogwe nogo yoroorak liippiyet o. Ala nen eeppinagarak yegerak nogo yi aret o, yinuk,

Lukat 2:35

Ndi, kat kunduk, tege wooluwak paga kiniki ndanuk togon kooke negen kaamunggun o,” yinuk, yoreegerak.

Lukat 2:38

Ne ti eyom paga lombok kwe nogo wage nagagerik, “Nogoba Ala wa!” yinuk, at ambi nen aakumi Yerutalem mendek piinogo piya woroorak tokkogwe nogo, elege ndarak abok paganogo yorage nagagerak.

Nappiigak 2:18

Peebi ti eyom paga, it an nayeloman mini kumi inom, aap inom, it kunduk abok aret Naberiniki inoba wuppi woraminggirak paga, an noone yoranet nugu logogun o.

Nappiigak 21:9

At apurilogwe komologwe tawe ineebe 4 aap wogonaka'lek logonet, Ala nen yorage kagak yorogo nogogwaarak.

1 Korindut 11:5

Ndi, it kumi nogo nen inayum inomba nggoorak logonet, tamban eekwi, Ala wone yorogwe, eekwi iinok ti, we inagap mbelanak negen logonet eekwi me, it inirimbaga wonogwe inogonggelomini nogo inenggali eeppiigo menggerak me, inayum inomba langgunik logonet, eeko logowak o.

1 Korindut 12:1

Noreewi o. Aberiniki nen ninalitak lombok unde eeppinanege menggerak nogo, kit kineenggo'lek wonogwe kiyo, yokkira o.

1 Timotiyut 3:2

Aap ambi Ala apuri unde logorak mippuurak mbakwi kenok ti, aakumi inoone at oba pugulik kenok, akwe ambit wogo kenok, iniki tum waka kenok, iniki warak kenok, li'lak mban eeke menggerak kenok, inanoniya laka kenok, aakumi op mamuniroorak kenok,

1 Timotiyut 5:9

Kwe ambi nda'nagagerak kagak tahun 60 eeka'lek kenok, endage mbaniyak lek o. Ata, ogonggelo ambit wogo kagak togwe pugu kenok,

Yotuwa 19:24

Ambokan yugum paga wakkaanuk, yugum nogo wo'narok it Atet paga wiganak ndarak ndegek lombok inowagam ari nagagerak.

Wayu 7:6

anebunu Atet mendek dua belas ribu leenogo piige, anebunu Natali mendek dua belas ribu leenogo piige, anebunu Manate mendek dua belas ribu leenogo piige,

Owak Loongga 4:4

Yogwi iigak, aap Lapirot akwe endage Ndebora, Ala nen yoge kagak yoraga wonagagerak me, o ti eyom paga it Iterali inowak loongge nagagerak.

1 Tamuwen 1:2

Wonage logonet, at akuwi mbere wogonabeegerak me, kwe ambi endage Kana, ndi, ambi endage Penina aret wonogogwaarak. Wonogo logonet, at Penina nogo aagalogwe ndaganake nagagerak kwe, at Kana nogo perak, aagalogwe ndaganaka'lek aret wonagagerak.