Lukat 2:27 - Ala Wone Peenok Peebi Mbanak

²⁷ Aberiniki nen Timeyon iniki kooneegerak paga Ala awi wurik me unggwage nagagerik, wonage me, Yetut agalo-ogoba nen Ala wone yugu liiru mbanak eeko nogogwaarak nogo, ndak-ndak eeruwok nduk, elege Yetut nogo wonok unggwi wogogwaarak.

Lukat 2:27 ပူးပေါင်းရင်းမြစ်များ

Yeremiya 32:11

Wogoge nagagirik, nggween kunggo logonet eeko menggaarak li'luk aago liiru abe mbanak amburu nabembulik inom, ogut eerak amburu nabenak nogo inom, imbirak wonok

Matiyut 4:1

Kage mbareegi, ti'nuk, Ibilit nen Yetut abut mbanuwak nduk, Aberiniki nen Yetut wonok karume aakumi lek me nagagerak.

Lukat 2:22

At endage toombogo nogogwaarik, “Kumi inaagalogwe ndaganakwi iinok, Nogo ndogop kuli yuwak o,” yinuk, wone yugu Muta nen liiru mbaneegerak nogo ndak-ndak, nogo yinuk, elege ninogoba Ala wogoruwok nduk, wonok o Yerutalem wogogwaarak.

Lukat 2:28

Unggwi wogo mbareegwa, at Timeyon nogo nen elege eebe ogome waganogo Ala alut eeke logonet,

Lukat 2:41

Yetut agalo-ogoba nogo nen tahun ambi wage paga laago Obaga Mbo Nagagerak laruwok nduk, o Yerutalem wagak eeko nogogwaarak.

Lukat 2:48

Agalo-ogoba nogo nen wulaga nogo kwaakkogo nogogwaarik, “Ia!” yinuk, agalo nen, “Naagaluk o. Kat nonggop nduk, togop eeppinanggendak o? Kogoba nimbirak niniki piirik logonet, kwaakkabit wogoorak yi, niyet o.”

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

Lukat 4:1

At Aberiniki nogo Yetut inikime mondok liinik kagak, yi Yoraran aa'nggi paga nen wage me, Aberiniki nen wonok karume aakumi lek me time nagagerak.

Nappiigak 10:19

Yinuk, yorogwe iigak, at Peterut nogo nen, “Nabinggaanggo nonggop kagi o?” yinuk, iniki awo koongge wonage me, Aberiniki nen at yoge logonet, “Timon wae. Aap kenagan mukkeren wagaarak endekem wonogwe me,

Nappiigak 11:12

Aberiniki nen an yo'nege logonet, Kiniki yungguppegak eerugun o. Aap ti, kinom mbet-mbet aret nak o, yo'nege mbaki, noreewi ineebe 6 yi, ninom nogo nogoorik, aap Koreneliyut ame aret unggwi nogoorak.

Nappiigak 16:7

o Mitiya unggwi noorak kuli pugu paga panggo yi nogo nogogwaarik, o Mbitiniya ungguwok nduk eereegwaarak mendek, at Yetut Aberiniki nen, “Unggwi noorak,” yoroolik me,

Nappiigak 8:29

Aabuk age mbareegi, Aberiniki nogo nen Piliput yoge logonet, “Nggweendo niikkenok nage ti, naberogon ka nak o.”

Nggalatiya 4:4

wone Muta yoreegerak nit eeko logowok nduk, keele maarak negen wonogwe nogo, ninonggo mbambunuk, wondet eerogo pinanege logomenggerik, aap ambi apuluk maluk ngguungge menggi kwak, nit at apuri lombok logorak ngguunninabuwak nduk, Ala nen, “Ndiyom paga napuluk nappi woraagin o,” yinuk, kooneegerak nogo, abu aret panggoni wage mbareegi, kwe ambi nen aret ndareegerak. Ndake mbareegi, wone Muta yoreegerak eekwi nogo inom aret eerit nage nagagerak.

Wayu 1:10

Yime wonage me, Ninowe mi'nagagerak eyom tamban eekwi nogo paga Aberiniki ninikime lik ari mbaki, nambokan nen oone nggwok eeka trompet nogo oone nggwok ari naruk konengge neegak,

Wayu 17:3

Kage nagarik, wonage me, Aberiniki ninikime lik ari mbaki, malayikat nen wo'neren karume aakumi lek me time pani nagaarak wonage me, nggeewo nggwok anini warak ambi eeruwak maa'ngga kunik, ndi, anobak 7, ndi, aruk alom me eyak 10 wonage nogo, amborowak paga kwe ambi kwi'ndak wonage kagarak. Ala miyuk-meya eerogo pogo logonet, yogo menggaarak abok aret nggeewo eebe nogo paga liiru mbanak kuurik lek aago wonage kagarak.