Lukat 2:20 - Ala Wone Peenok Peebi Mbanak

²⁰ Ndi, it aap ndomba ndegeninaka nogo iniyok paga nogo logonet, malayikat nen it yorogogwaarak nogo ndak-ndak aret inaruk konenggwi, inigen kogwe, eereegwaarak me, Ala endage alut eerogo wogoppit nogogwaarak.

Lukat 2:20 ပူးပေါင်းရင်းမြစ်များ

Ndawi 106:48

Iterali inogoba Kaliku Ala o. Kat aa'nduk nen nok, yogondak nen, Mondok-mondok aret wonage menggendak me, Kendage tiyappogo logowok o. It aakumi abok aret nen, “Abet aret,” yuwak o. Aliku ALA tiyappogo logowok o.

Ndawi 107:15

At Aliku ALA nen Tungga mbuti tembaga paga aago ti, yigirogo nggimbege, Tu unggwogo menggam pak ambe mbuti paga aago nogo, Kalenak-pugunik eerogo pege, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga Aliku ALA, “Wa,” yogo logowak o.

Ndawi 107:21

Aliku ALA inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga At Aliku ALA, “Wa,” yogwi,

Ndawi 107:8

At Aliku ALA nen it niyo abu kenok, ndonggorogon nawak nduk wogorage, Inambi abu kenok, yi mendek ndi mendek abe mban kalo logonogo wogorage, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga At apuri ti nen Aliku ALA, “Wa,” yogo logowak o.

Yetaya 29:19

It aap tebenak wonogwe nogo Aliku ALA paga inale'nggen mbako nogogwa kwak, peebi inale'nggen mbakwi, It aap ineenggi lek nogo at Kikak Nakeelik Alik Leenak Iterali inogoba paga iniki ale'nggen mbakwi, Eeko logogun o.

Matiyut 9:8

Ti eereegerak nogo, it aakumi inigen kogo nogogwaarik, inagabiti a'nuk, “Ala nen it aakumi togop eeko logowak nduk, unde eerogo mippiige menggerak me, iya!” yinuk, wogoppereegwaarak.

Marakut 1:7

At nen wone yorage nagagerak nogo yi aret, “At peebi nambokan woraagin ti, aap nggwok aret o. Ndi, an we mbuuluk me, at iyogogut nggerenak tebe yinuk, piiniyak meek o.

Lukat 18:43

Nogo awo yoge kagak, at enegen pagak yereegerak. Enegen pagak ari mbareegi, Yetut imbirak wage logonet, Ala endage wogoppit wagagerak. Ndi, Yetut eereegerak nogo it aakumi abok aret kogo nogogwaarik, Ala alut eereegwaarak.

Nappiigak 11:18

Yorage nogo inaruk konembunuk, it togon inoone lek puk aret wonogogwaarik, “Ti kenok, Ala nen it endekem mendek nogo kunduk, it maluk eeko menggaarak iniki koombunuk mbo pugwi iinok, ineenik logorak koonogo piyareegerak kogo o,” yinuk, Ala wogoppereegwaarak.