Lukat 2:2 - Ala Wone Peenok Peebi Mbanak

² Inendage aa'nduk liiru mbaneegwaarak nogo ti, aap Kireniyut o Tiriya gubernur wonage kagak, mbaneegwaarak.

Lukat 2:2 ပူးပေါင်းရင်းမြစ်များ

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Lukat 2:1

Ti eyom paga aap endagembogut Kayitat Agutut nen it aakumi yi awi ndi awi abok aret at abu'me piige menggim o Oroma wonogwe nogo, inendage liiru mbanuwak nduk, wone lengganeegerak.

Lukat 2:3

Inendage liiru mbanuwak nduk, it aakumi abok aret inawi alom paga lombok nogogwaarak.

Lukat 3:1

Aap Kayitat Tiberiyut endagembogut a'nuk, wone lengganogo yorage kagak, tahun 15 eeke eyom paga aap Pondiyut Pilatut o Yureya gubernur aret wonage, ndi, aap Keroret o Nggalileya unde wonage, ndi, aap Keroret awuluk Piliput o Itureya Terakonitit imbirak unde wonage, ndi, aap Litaniyat o Abilene unde wonage, eeko nogogwaarak.

Nappiigak 13:7

At ore ti, aap iniki warak lombok nggween kup mbanak arum menggerak gubernur endage Terigiyut Pawulut aret me, at ti nen Mbaranabat Tawulut imbirak Ala wone yo'niruwak, mba'nuk inayonggo pereegerak kwe,

Nappiigak 18:12

Ala wone mamunirage wonage me, at Nggaliyo aakumi Akaya mendek inowe gubernur mi'ndak wonage kagak, it Yakuri mendek abok lambumbunuk ambugwi mi'nogo nogogwaarik, Pawulut pippunuk eebe wonok, wone amburu mbanggo menggam pi nogogwaarak.

Nappiigak 23:26

“Kendage abu tiyanak menggendak nogoba gubernur Pelikit wae. An Kelawuriyut Litiyat nen wone ambi yokkiri o.

Nappiigak 26:30

Yoge mbareegi, inowe endagembogut nogo inom, inowe gubernur nogo inom, kwe Mberinike inom, it aakumi kwi'ndak inom wonogogwaarak nogo inom, abok aret mi'na'nuk,

Nappiigak 5:37

Ti'nuk peebi, aakumi abok inendage liiru mbanuwak nduk eekwi me, aap Nggalileya mendek ambi endage Yurat, wage nagagerik, aap ando at oone konenuwak nduk nomoninabeegerak mendek, wako mbareegwa, at oone waganeegwaarak nogo mbaganit nogogwaarak.