Lukat 2:19 - Ala Wone Peenok Peebi Mbanak

¹⁹ Pi wareegwaarak kwe, at Mariya perak, wone agan nugwi nogo abok aret iniki kundugu eekkolage logonet, iniki koongge nagagerak.

Lukat 2:19 ပူးပေါင်းရင်းမြစ်များ

Wakkagagerak 37:11

Yoge mbareegi, it at oweewi inikime nen, “Nit niigak at mban mippuurak ari ilik?” mbako logonet, mondok inanini agaket yogwe iigak, at ogoba perak, abi kagagerak nogo iniki nen liippunuk, abeke, koongge, eeke nagagerak.

Ndawi 119:11

Kat maluk eeppagukwak, koone yugu nogo woppunuk, Ninikime liirogon porogo minggirak o.

Kini Wuppiige 4:4

Wonage neegak, nogoba nen wone mamunnege logonet, “An nen yokkege yi, kinikime liirogon woppunuk porogo wonage, Yogop ee'nu ndogop ee'nu, wone yokkege yi, liirogon aret eerit nage, Eeke keenok, Keenik mondok aret logomunggun o.

Ndaniyen 7:28

Nabi kagarak alom kin paga yo'negerak nogo ti aret. Yo'nege mbaki, Wone yi, nonggoti yo'nege kagi? yinuk, an Ndaniyen nen niniki koonit nage logonet, niniki piirik lombok ee'nake, nagap nggilaame nek togon eerogo panege, eekerak kwe, aakumi ambi yoroolik nalik mban ninikime wonagarak o,” yinuk, liiru mbaneegerak ti aret.

Oteya 14:9

An wonage neegak, it Eparayim ti, inagugi inom wone mbanggo logorak op ya? Lek me, Yeenggwa niret o, yo'nugwi iinok, an nen aret wone onggo yorage, An nen aret inarum wake, Eeke logogin o. An ti, eyo kilu-kilu engga mili lubu ari menggi kwak minggirak me, An paga kunik logonet, anggen yogo logogun o, yinuk, yegerak me, yokkiragi o,” yoragagirak.

Lukat 1:66

Wone agan nugwi nogo it abok aret inaruk konenggo nogogwaarik, liippunuk, “Ninogoba Ala eenggi ndoonak paga wonage,” kogo nogogwaarik, “Wulaga yi, tawe age logomenggerik, nonggop logomunggwi?” yinuk, yogo nogogwaarak.

Lukat 2:18

It ndomba ndegeninaka nen wone mbininogo yorogogwaarak nogo, aakumi konenggo nogogwaarik, it abok aret, “Wi!” yinuk, pi wareegwaarak.

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

1 Tamuwen 21:12

Wone yogwe nogo at Ndawut liippege nagagerik, iniki piirik logonet, aap endagembogut o Nggat mendek Akit eebe paga agabiti ambik agagerak.