Lukat 2:17 - Ala Wone Peenok Peebi Mbanak

¹⁷ Pegiya wogo nogogwaarik, malayikat nogo nen elege ndarak abok yoragagerak wone nogo, mbininogo yorogogwaarak.

Lukat 2:17 ပူးပေါင်းရင်းမြစ်များ

Ndawi 66:16

Kit Ala kinagabiti mbako monggotak yi wae. Ala nen eeppanit wage kagarak nogo Mbininogo yokkirage neegak, Kinaruk liirogon konenggo logobagip nduk, woraanip o.

Maleyaki 3:16

Yorage nagagerik, it aap Aliku ALA inagabiti mbako nogogwaarak nogo nen it-it wone mbanggo logonet, it nen yogwi iinok, at Aliku ALA liippege, aruk konengge, eereegerak o. It aap Aliku ALA inagabiti mbakwi, at endage tiyappogo logonet ayuk wukwi, eeko nogogwaarak nogo inendage aberak logowak nduk, at Aliku ALA enggaanom paga mbuku pirik-perek aago paga inendage liiru mbanogo pereegwaarak.

Lukat 2:16

Yogo nogogwaarik, puu'nuk Mariya Yutup nogo, elege ndomba iri'ngga nonggo menggam wimbunuk, wonogwe me, pegiya wogogwaarak.

Lukat 2:18

It ndomba ndegeninaka nen wone mbininogo yorogogwaarak nogo, aakumi konenggo nogogwaarik, it abok aret, “Wi!” yinuk, pi wareegwaarak.

Lukat 2:38

Ne ti eyom paga lombok kwe nogo wage nagagerik, “Nogoba Ala wa!” yinuk, at ambi nen aakumi Yerutalem mendek piinogo piya woroorak tokkogwe nogo, elege ndarak abok paganogo yorage nagagerak.

Lukat 8:39

“Kame kiyok paga nage logomenggendik, Ala nen eekkakerak nogo mbininogo yorage a nak o.” Yoge mbareegi, wage nagagerik, at ame kota time abok aret, “Yetut nen ndogop ee'nakerak o,” yinuk, mbininogo yoranet nege nagagerak.