Lukat 2:15 - Ala Wone Peenok Peebi Mbanak

¹⁵ Yogo nogogwaarik, it malayikat nogo nen aap ndomba ndegeninaka nogo teppiinok, iniyokan mbogut paga laganggo mbareegwa, it aap ndomba ndegeninaka nogo at ambi nen at ambi yogak eeko logonet, “Eekerak ninogoba Ala nen yo'niragaarak nogo, o Mbe'lekem pekka nawok o.”

Lukat 2:15 ပူးပေါင်းရင်းမြစ်များ

2 Endagembogut 2:1

At Aliku ALA nen o wiya nombok-kombok eeke logonet, Eliya mbogut paga wonok lagarak eyom panggoni wage mbareegi, ne ambi paga at Eliya nogo Elita imbirak o Nggilagan nen tu paga nogo logonet,

2 Endagembogut 2:11

Yoge nagagerik, imbirak wone mban-mban tu paga nogwe me, abera'lek me kani wuninik negen kuda nen nggweendo nikkenok wogo nogogwaarik, Elita ogoorogo punuk, o wiya nombok-kombok eeke kagak, at Eliya nogo aret wonok mbogut paga laganggwi iigak,

Ndawi 111:2

Aliku ALA mondok iya tit eerit nage menggerak o. Aap at eerit nage inikilom mbako menggaarak abok nen liippogo menggaarak.

Wundeegwaarak 3:3

“Ia! Kani omoonuk wunuk ari kwe, eyoongga kani nengga'lek eerubok mendek eeke ti, nano nen eeke kaamun? Pekkaakit o,” mba'nuk, panggo yi nagagerak.

Matiyut 12:42

Kwe nggwok o ame pa'nggwe nen at Talomo iniki warak logonet, wone koongge menggerak nogo, aruk konenikit nduk wagagerak kwe, at Talomo ti, aap mbuuluk negen. Ndi, at ambi yime wonage yi perak, abu nggwok aret kagak, kit at oone konengga'lek wonogwe me, peebi aakumi inowak looniyak eyom paga at kwe nggwok nogo nen mi'na'nuk, kit yogondak wonogwe yi, Kinenggali o, yinuk, yokkirage kaamunggup o,” yinuk, yoragagerak.

Lukat 2:14

“At mbogut irimbaga lombok menggerak Ala nogo, endage tiyappogo logowok o. Ndi, nggween paga yime it aap Ala inikilom inombake menggerak nogo, iniki ugun tayenak aret logowak o,” yinuk, yogogwaarak.

Lukat 2:16

Yogo nogogwaarik, puu'nuk Mariya Yutup nogo, elege ndomba iri'ngga nonggo menggam wimbunuk, wonogwe me, pegiya wogogwaarak.

Lukat 24:51

Ale'nggen inoba awo piige kagak, at eebe wonok mbogut paga lagangge kogogwaarak.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.