Lukat 19:5 - Ala Wone Peenok Peebi Mbanak

⁵ Eyo paga laganeegerak wonage me, at Yetut wok yi wage nagagerik, ena nikkage logonet, “Takeyut wae. Yogondak kat kame nimbirak nogo yi noorak me, mbet wambi mok o.”

Lukat 19:5 ပူးပေါင်းရင်းမြစ်များ

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetikiyen 16:6

Nappereegwaarak wonage me, an tu ti paga nage logonet, at amiya paga lagak-mbagak ari nenegen kage nagagirik, amiya lengge aago wonage mbareegi, Mondok keenik aru o, yinuk, yoreegirak.

Lukat 19:10

An aap aret nda'nagagirak yi, it aakumi kobak ogogwaarak nogo kwaarogo inagap ndarikit nduk, wambi wagagirak o,” yinuk, yoreegerak.

Lukat 19:2

aap ambi endage Takeyut o unde inake wu kuwak eeka inowe eenggi abu warak lombok wonagagerak.

Lukat 19:4

Meek age mbareegi, “Yetut tu yi paga wage kagi,” yinuk, kaakit nduk, at aa'nduk mbe agan nage nagagerik, eyo paga laganeegerak.

Lukat 19:6

Yoge mbareegi, Takeyut nogo mbet-mbet eyo paga nen wambi wage nagagerik, keyage wappunuk, ale'nggen mbakak imbirak aret at ame nogogwaarak.

Yaya 1:48

Yoge mbareegi, at Natanayen nen, “A puk! Kat nonggop togon an neebe keenu agandak o?” Yoge mbareegi, at Yetut nen, “Piliput awo wiigega'lek kagak, kat eyo wuli alome wonage muk nenegen keegirak o.”

Yaya 14:23

Yoge mbareegi, at Yetut nen, “Aap ambit ambi iniki kunik ee'nake kenok, an noone liirogon aret eeke logogin o. Ti eeke kenok, an nogoba nen at iniki kunik eerigin o. Ndi, an nogoba nimbirak at ka wogo logomonggoorik, ninom aret logogun o.

2 Korindut 6:1

At Ala nen ari logonet, “An nen kabuwa mbariyak eyom paga kat yo'nege nogo an naruk konengge. Kat kagap ndariyak eyom paga yeenggwa kege, Eereegirak o,” yinuk, yereegerak me, kit ninom Ala eyabu ambit eerit nogwe niigak, at iniki kunik nen obeelom eeppinagage nogo, “We aanom warogo eeppiige kagi,” kinombake kero, niniki, “Ao,” mbako logonet, yokkirogo ogoorik o. Kabuwa mbariyak eyom nogo ti, yogondak aret, ndi, kinagap ndariyak eyom nogo ti, yogondak mban aret me, yokkiragi o.

Epetut 3:17

Kit abet mbakwi kiinok Keritut kinikime ye mbanggola unggwage, ndi, eyo omanggen nggween kole paga wuraketak nu'lek menggi kwak, kit togop aret kiniki nu'lek logonet, aakumi kinom kiniki kunik aganakwi, eeko logobagip nduk, kinake tamban eeke minggirak.

Iberani 13:2

It aakumi nen malayikat mendek kagak, “Yi aakumi aret o,” yinuk, kobak logonet inabugo lako nogogwaarak me, it aakumi nggiru kiya wogwe iinok, keyage warogo kiniki ale'nggen paga wogonako logonip o.

Wayu 3:20

An tunggambe paga mi'ndak logonet, tu puk-puk eeke nogo liippanuwak o. Aap ambi an tu puk-puk eeke nogo, aruk konembunuk, tu paa'neege kenok, an ka unggwage logominggirik, nimbirak niniki ambit lambunik nore-kore logonet, mbi nonggo logogun o.