Lukat 19:42 - Ala Wone Peenok Peebi Mbanak

⁴² Le ari logonet, “Kat Yerutalem yi, yogondak yi eyom paga nonggop agago kiniki ugun obeelom logomunggun nduk, eeppagarak nogo, keenu agambok eekendak me, ao, kombake kwe, yogondak kenegen kage keyo, nobarak wonage o.

Lukat 19:42 ပူးပေါင်းရင်းမြစ်များ

Pelaareegerak 32:29

Iniki warak wonogwe, liippunuk ineenu ogwe, Eeppunuk, Nit irip paga togop aret eeppinanugun, kogo, Mba'nuk, ineenu aruwak lak, ao, mbake menggerak o.

Iberani 3:15

“Inogogumbuk a'nuk, Ala wone, Nineebi o, yinuk, Ala anini wunduwak nduk liirit-laarit yogo nogogwaarak nogo kokwak, Yogondak Ala nen wone yokkirage kenok, Nineebi o, yinuk, kinogogumbuk arugup o,” yinuk, yereegerak liiru mbanak nogo ti,

Yetaya 48:18

An, Yogop ee'nu ndogop ee'nu, yorage nogo liippogo logorak me eekaarak, ao! Lippogo logonetak en, niyo wage porok arilik wage mban menggi kwak iniki ugun tayenak wonogwe, Niyo laut puk aga'lek kilanogo wunabi wagak mban eeke menggi kwak, it obeelom mban eerit nogwe,

Nappiigak 10:36

Yi aakumi ndi aakumi abok ninogoba nogo ti, Yetut Keritut aret me, Yetut Keritut eereegerak paga Ala ninom lambunogo pinanggerak o, yinuk, wone obeelom wone it Iterali ineenu aruwak nduk, nappi wagagerak nogo, kineenu aret o.

Yetaya 55:6

Aliku ALA nen, “Ninom lambuniyak op aret o,” yinuk, awo mbake me, mbet-mbet kinom lambuni wogwe, At awo koorok wonage me, kinoone nggwok paga yogwi, Ee'nip o.

Iberani 3:13

“Ala nen ninooka'lek kagak,” mba'nuk, maluk eerit nogo logonet, kiniki omaawi eekkinake kero, wone, “Yogondak o,” yereegerak nogo ti, lek aga'lek awo aret wonage me, Ala nen yokkirage nogo, konenggo logonet, kiniki eyak wat-wat yogo logonip o.

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.

Nappiigak 13:46

Miyuk-meya eerogo pugwi iigak, it Pawulut Mbaranabat inagabiti lek yorogo logonet, “Ala wone kit aa'nduk yokkiroorak agaarak kwe, Nit nineenik logorak wone ti, woorak ndak lek o, yinuk, nineebi, yogotak me, kit lambembinaganuk, it endekem mendek nogo aret yora nogo ogoorik o.

Yetikiyen 33:11

yorage logomenggendik, ambi yorage logonet, It aap maluk mendek kanggwi iinok, an niniki ale'nggen mbakeelik o. Ata, ineenik logowak nduk it maluk eerit nugwi nogo mbo punuk, yungguninuk neya wogwe iinok perak, niniki ale'nggen mbake minggirak me, it Iterali mendek ti, iniyokan nowagam wogwe, it maluk eerit nugwi nogo mbo punuk, yungguninuk wogwe, eeko logowak o. It nonggop nduk, Kambuwok, mbako agaarik o? yinuk, neenik Nitok Minggirak Naliku an ALA nen aret yagi, yegerak yoret o.

Yetaya 44:18

It aap ti, ineenu ogwe, liippugwi, eekulik kobak aret wonogwe, Inigen purok lenggenak kwak me, kaga'lek wonogwe, Iniki apit kwak me, liippega'lek wonogwe, Eeko agaarik o.

Iberani 3:7

Togop me, Aberiniki nen ari logonet, “Kinombomini karume wogo logonet, inogogumbuk a'nuk, Ala wone, Nineebi o, yinuk, Ala anini wunduwak nduk liirit-laarit yorit wogo nogogwaarak nogo kokwak, yogondak Ala nen wone kit yokkirage kenok, Nineebi o, yinuk, kinogogumbuk arugup o.

Ndawi 81:13

Kit an napuri noone liirogon konenggwi, Kit Iterali an nen yokkirage ndak-ndak eerit nogwe, Eeko logonetak en,

Ndawi 32:6

Togop me, nit yokkugwi niinok, Ninoone koneniyak nanonggwan wonage me, It aakumi kat koone liippugwi nogo Abok aret kat yokkogo logowak o. Togop eekwi iinok, Niyo nggwok wuketak wik agan lagi wage logonet, It lebeninabigin lek o.

Pelaareegerak 5:29

It ineebe inom, inapuri inom, yi wone ndi wone inoba aga'lek ineebe mondok obeelom logowak nduk, inagabiti nombakwi, Yogop ee'nu ndogop ee'nu, wone yugu apit aret liirogon porogo wonogwe, eeko logowak lak, ai, mbake agarik o.

Yeremiya 13:17

Kit an yokkirage kinaruk konengga'lek kiniki wogoppakwi paga nalik kumaarak logonet, le ari, Aliku ALA andomba kit keele maakkiren nagun me, Niniki wakkolage logonet, nale yi wurik kwak wurabit wage, Eeke logogin o.

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Lukat 19:43

Ala yi eyom aret neya wagaarak o, yinuk, yelok koolik me, kame nen wundi nage keyo, it kinom wim mbanak nen yagat wurogo pagagwi, wanggekkakwi, agi-ogu nen, iru-ogwe nen, yigikkabuwok nduk, panggo yi wogwe, eeko logonet,