Lukat 19:4 - Ala Wone Peenok Peebi Mbanak

⁴ Meek age mbareegi, “Yetut tu yi paga wage kagi,” yinuk, kaakit nduk, at aa'nduk mbe agan nage nagagerik, eyo paga laganeegerak.

Lukat 19:4 ပူးပေါင်းရင်းမြစ်များ

1 Endagembogut 10:27

Aap endagembogut nogo nen yugum nggininik kwak mbuti perak o Yerutalem ambik aret eerogo pege, ndi, eyo ndoolu puut ogobak-ogobak ambik pit nagagerak kwak, eyo nggabina ambik aret eerogo pege, eereegerak.

1 Mbinineegwaarak 27:28

Ageyo Tayitun inom, wuli inom, oonegen kilu yi nage menggim pa'nggwe puut-puut elan me yarak arum wonagagerak nogo ti, aap awi Nggereri mendek Mba'an-Kanan aret. Ndi, tayitun amburu toolak arum wonagagerak ti, at Yowat aret.

2 Mbinineegwaarak 1:15

Aap endagembogut nogo nen yugum nggininik kwak wu mbuti perak inom, wu mbuti emas inom, o Yerutalem ambik aret eerogo pege, ndi, eyo ndoolu puut ogobak-ogobak ambik pit nagagi kwak, eyo nggabina ambik aret kuwak eerogo pege, eereegerak.

2 Mbinineegwaarak 9:27

Aap endagembogut nogo nen yugum nggininik kwak mbuti perak o Yerutalem ambik aret eerogo pege, ndi, eyo ndoolu puut ogobak-ogobak ambik pit nagagerak kwak, eyo nggabina ambik aret eerogo pege, eereegerak.

Ndawi 78:47

Inageyo anggur yarak nogo Mayu kumulinggen paga yigirogo puwak nduk wuppi wage, Inageyo wuli nogo mbuk aruwak nduk, mayu anggen engga paga ndoonogo pit wage,

Yetaya 9:10

It aakumi ti nen yogo logonet, “Yugum o wurik langgunik nogo peebi obaane'me yugum abe ogobakkigirik paga wukwi, Eyo wuli muurogo pugu nogo obaane'me eyo nggabina yakwi, eerugun o,” Yinuk, yogwe kwe,

Amot 7:14

Yoge mbareegi, at Amot nen aap Amatiya nogo yoge, “An yi, aap Ala nen yorage kagak yoraga nogo mendek wonageelik o. Ndi, it aap ti mendek inaput kunduk wonageelik mban. An ti, ndomba ndegeninake, eyo wuli yarak unde wake, eeka an aret wonagagirak o.

Lukat 17:6

Yogo mbareegwa, at ninogoba Yetut nen it yorage logonet, “Kit kiniki noba panggombunuk, abet nombakwi nogo mbuuluk kulok anggen pogom kinikime logonetak en, eyo kilu nggwok yi, Kalom kinggo'nok yi inikime ya'nari nage keyaagin o, yogwi kiinok, ya'nari nage aret ka'netak o,” yinuk, yoragagerak.

Lukat 19:3

At nogo nen, “Yetut ti, nonggop kwe?” yinuk, pekkaakit nduk, eereegerak mendek anggup kuwagaluk, ndi, aakumi ambik kuwak eerak wonogwe me, pekkoorak meek agagerak.

Lukat 19:5

Eyo paga laganeegerak wonage me, at Yetut wok yi wage nagagerik, ena nikkage logonet, “Takeyut wae. Yogondak kat kame nimbirak nogo yi noorak me, mbet wambi mok o.”

Lukat 5:19

it aakumi apit yebet aago me, pi ungguurak meek age mbareegi, wonok o kirin paga laganggo nogogwaarik, pelan ndenenogo eewurik enaani aakumi apit inenggela'me Yetut owagam wuppereegwaarak.