Lukat 19:27 - Ala Wone Peenok Peebi Mbanak

²⁷ Ndi, it ninom ogoorak logonet, At ninowe endagembogut a'nuk, ninarum logorak, Nineebi o, yagaarak nogo perak, wogoret wogo logomonggotik, nenegen neegak, inoo'nip, yoragagerak o,” yinuk, Yetut nen aakumi nogo yoragagerak.

Lukat 19:27 ပူးပေါင်းရင်းမြစ်များ

Ndawi 109:20

Aap eeppuurak yagarak nogo aret it aap inoone an liirit yo'nugwi, Inoone maluk noba pugwi, Eekwi nogo onggo Aliku ALA nen it aret eeppiyaawak o.

Ndawi 2:9

Mbim obate mbanak eenggime logonet, oone omaawi paga wone lengganogo yorage, Yi mendek ndi mendek nggabok paga ogobakkigirik telenogo pogo mengga kwak eerogo piige, Eerumunggun o,” Yinuk, yo'nereegerak o.

Yetaya 66:14

Ti eekkinake nogo kogo logomonggotik, kiniki ale'nggen nggwok lombok mbakwi, Iri'ngga awo lagangge logonet, mondok kwit agan lagangge menggi kwak kit kineebe togop aret ogwe, Eerumunggup o. At Aliku ALA eenggi omaawi ayeloman mini kaawak nduk, eeppiige logogin kwe, At inom ogoorak nogo perak, anini inoba kwippiige logogin o.

Yetaya 66:6

O kota time nen noone-koone agan nogwe, Ala awi wurik me nen oone agan wage, Eekwi ti, kinaruk logonip o! Aliku ALA inom ogoorak nogo eekaarak onggo ndak-ndak eeppiige logonet, oone ari ti aret o.

Nakum 1:2

Aliku ALA nen, “Nalik nalut eeruwak lak, it ando inalut eekwi yi, neebi a,” yinuk, mbake, At mbo pugwi iinok, onggo eeppiige, Aliku ALA mbo punuk, ugun eekwi iinok, onggo eeppiige, Anini lombok mi'nage logonet, maluk eeppiige, At Aliku ALA inom ogoorak nogo anini inoba kwippiige, At inom wim mbanak eeppiyoorak mbake nogo inikime tebenak wonage, Eeke menggerak o.

Nakum 1:8

Niyo wu'nuk wage logonet, yi mendek ndi mendek taanogo pit nage menggi kwak, At inom wim mbanak inenggaawak lek eerogo piige, At inom ogoorak nogo mugogo kanggo menggam o apit me nappiige, Eerigin o.

Matiyut 22:7

Inookaarak yogwe at aap endagembogut nogo aruk konengge nagagerik, anini nen awuri yigin unde nogo nappiige mbareegi, ayeloman mini inooreegwaarak nogo inoorogo piigwi, inawi kani pugwi, eeri nogogwaarak.

Lukat 19:14

Yorage nagagerik, nagagerak. Nage kagak, it at abu'me menggaarak nen at ineebi lombok ombako logonet, Kat yi, ninowe kendagembogut a'nuk, ninarum logorak nineebi o, yinuk, yori nawak nduk, inawuri nappiyareegwaarak.

Lukat 20:16

Lek o. Wage logomenggerik, it eyabu arum wonogwe nogo inoorogo piinok, inobaane'me it aap alik arum logowak nduk, mippiya woraagin o,” yinuk, yoragagerak. Yorage nogo it aakumi konenggo nogogwaarik, “Togop eeriyak mage o, ninogoba.”

Lukat 21:24

Ando tege wooluwak paga inookwi iinok kanggwi, ando keele maarogo yi aakumi ndi aakumi inawi lombok time piya nogwe, eerugun o. Ndi, at Ala nen, It aakumi endekem mendek unde iigak, Tahun ndogop eeko logogun o, mbareegerak nogo a'me lik yega'lek kagak, it aakumi endekem mendek nen o Yerutalem iniyok aan lebenogo pit nogo logogun o,” yinuk, yoragagerak.

Iberani 10:13

Ala nen at inom wim mbanak mendek aan lebenogo abu'me tebenogo piyaawak nduk, tokkage agaarik o.

1 Tamuwen 11:12

Mbaganit nogwe iigak, it aakumi Iterali mendek nogo nen Tamuwen yogwi, “At Tawun ninowe endagembogut logonet, ninarum logorak op mbakop? yagaarak nogo taani o? Nit nen inooruwok nduk, waganogo wo'niret o.”