Lukat 18:8 - Ala Wone Peenok Peebi Mbanak

⁸ Lek o. Mbet-mbet aret inowak loonogo inawone amburu mbanigin o, yinuk, yokkiragi. Togop aret eeginaburak kwe, an aap aret nda'nagagirak wage neenok, it aakumi nggween paga yime iniki noba panggombunuk, abet nombakwi iyaamun ilik, lek a?” yinuk, yoragagerak.

Lukat 18:8 ပူးပေါင်းရင်းမြစ်များ

Ndawi 46:5

At Ala o kota time aret menggerak me, Kota ti, pup eerogo pugun lek o. O weerikit nduk eeke kagak, maluk eeppi wogwe iyo, Ala nen o ti, ili eeppunuk logogin o.

Kini Wuppiige 20:6

Aakumi apit nen, “Nit mbo pinagagun lek o. Niniki mondok kunik eekkinako logogun o,” yogo menggaarak kwe, Aap ambiriluk ambi nen oreeluk mbo pegeelik iniki kundugu lombok eeke menggerak kenok ti, iya aret me, aap ti mendek ta nen kwaakkoorak op mbakop?

Yetaya 40:27

Kat Yakup yi wae. Kat nen, “An noba age yi, Aliku ALA nen liippanega'lek agaarik,” ari, Ndi, kat Iterali yi wae. “Ninogoba Ala obeelom eeppaniyak yegerak nogo eeppanega'lek kagi,” yinuk, mbake, Eeke ti, Nonggop nduk eeke agandik?

Matiyut 24:24

It ando nen we piliret, Keritut nogo an aret o, ndi, Ala nen yo'nege kagak yokkiraga mendek ti, an aret o, yinuk, agan wogo logomenggaarik, it aakumi ugun iniki nomoninakwi, ndi, it Ala apuri miirogo leeninabeegerak nogo, iniki nomoninaburak op kaamun ilik? yinuk, nomoninakwi, eeruwok nduk, inagabiti warak mendek inom, eerubok mendek inom, eeremenggaarak kwe, it agan woraagun ti, kiniki abet mbarubok o.

Matiyut 8:20

Yoge mbareegi, Yetut nen, “Pagi ti, enoona wonogwe, ndi, towe mbogut paga nugu menggaarak nogo, inawiina wonogwe, eeko menggaarak kwe, an aap aret nda'nagagirak yi perak, nogo yege minggim abu lek aret o,” yinuk, yoreegerak.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.