Lukat 18:42 - Ala Wone Peenok Peebi Mbanak

⁴² Yoge mbareegi, Yetut nen, “Kat kiniki noba panggombunuk, abet nombakendak paga kenegen obeelom agaarak me, kenegen pagak yu o.”

Lukat 18:42 ပူးပေါင်းရင်းမြစ်များ

Ndawi 107:20

At oone yoraawak nduk nappiyareegerak yorogwe iigak, Ineebe andi obeelom aganake, Mbuun ambena nen wumbiya wage, Eereegerak.

Matiyut 15:28

Yoge mbareegi, Yetut nen, “Kwe yi wae. Kat abet nombakendak nogo ti, mondok iya lombok me, kiniki mbakendak nogo ndak-ndak aret eekkaki o,” yoge kagak, ti eyom aret aagaluk andi nogo mondok lek aret agagerak.

Matiyut 8:3

Yoge mbareegi, at Yetut eenggi nderogon aap nogo pigagangge logonet, “Obeelom eekkaburak mbakirak me, obeelom agago pagagi o,” yinuk, awo yoge kagak, at awin aaga'ne kunik nogo lek aret a'nuk, obeelom agagerak.

Matiyut 9:22

Pigagangge mbareegi, at Yetut ena logurogon enegen pekkage nagagerik, “Napuluk wa! Kiniki kwi'ndak logot o. Kat kiniki noba panggombunuk abet nombakendak paga obeelom agan o,” yinuk, yoge mbareegi, kwe nogo ti eyom paga aret obeelom agagerak.

Lukat 17:19

Yinuk, Yetut nen aap nogo yoge logonet, “Kiniki noba panggombunuk, abet nombakendak paga obeelom agandak me, mi'na'nuk kame nak o,” yinuk, nappereegerak.

Lukat 18:41

“Kat an nonggop eekkaburak mba'nuk, ari agandik?” Yoge mbareegi, aap nogo nen, “Nogoba o. Nenegen obeelom ee'naburak nduk, yokkigi o.”

Lukat 7:50

Yogwe iigak, at Yetut nen kwe nogo yoge, “Kiniki noba panggombunuk abet nombakendak paga kagap ndakkolagandak me, kinikiigun kame nak o,” yinuk, yoreegerak.

Lukat 8:48

Yoge mbareegi, at Yetut nen, “Napuluk o. Kiniki an noba panggombunuk, abet nombakendak paga obeelom agandak me, kinikiigun kame nak o,” yoreegerak.