Lukat 18:30 - Ala Wone Peenok Peebi Mbanak

³⁰ o yogondak aret obaane'me apit aret wogorigin o. Ndi, peebi age yobok eyom nogo paga at mondok-mondok eenik aret logogin o, yinuk, abet aret yokkiragi o,” yoragagerak.

Lukat 18:30 ပူးပေါင်းရင်းမြစ်များ

Ayup 42:10

At Ayup nen oreewi inake tamban eeke mbareegi, ti'nuk, Aliku ALA nen at Ayup amendek aa'nduk wonagagerak nogo obaane'me wogoge logonet, oba luunogo ambik lombok aret wogoreegerak.

Ndawi 119:103

Nggiin amburu ombat abe negen kage kwe, Wone koonogo pereegindak ti perak, Ombat tele lombok kage minggirak o.

Ndawi 119:111

Kat koone aberak logorak yugu nogo nen Nale'nggen eerogo panege menggerak me, Yate kwak an unde logonet, mondok eeke logogin o.

Ndawi 119:127

Togop me, mbuti emas inom, Mbuti emas at mendek mban inom, ti, Niniki kundugu negen kwe, “Yogop ee'nu ndogop ee'nu,” koone yugu ti perak, Niniki kundugu lombok wonage,

Ndawi 119:162

It aakumi inamendek kugun ambik waganggo nagaatik, Inale'nggen mbako mengga kwak, Wone koonogo pereegindak nogo paga Nale'nggen ambik mbake minggirak o.

Ndawi 119:72

Mbuti perak inom, mbuti emas inom, ambik lombok me, lingginiyak meek ti, Niniki kundugu lek negen aret kwe, Koone wumbereegindak Muta nen liiru mbaneegerak perak, Niniki kundugu lombok minggirak o.

Ndawi 37:16

It maluk mendek inomaawi lek aremenggerak kwe, It aap iniki abe koonak nogo Aliku ALA nen panggombiige menggerak me, Aap maluk mendek inageerok ambik aret wonage kwe, Ti iya lek o. It aap iniki abe koonak nogo inamendek mbuuluk aret kwe, Abu iya aret wonage o.

Matiyut 12:32

Kit an aap aret nda'nagagirak nogo, kinoone miyuk-meya eerogo panugwi kiinok, kinomaluk ti, Ala nen lek eerogo pinagarak kwe, Aberiniki miyuk-meya eerogo pugwi kiinok perak, Ala nen o yogondak inom, peebi inom, kinomaluk ti, lek eerogo pinagagin lek o. Mondok itok kunik aret logogin o,” yinuk, yoragagerak.

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.

1 Timotiyut 6:6

nit perak, Ala wone liippunuk, eerit nogo logonet, niniki tayenak wonogwe nogo ti, onggo iya tit kologwe ti aret.

Wayu 2:10

Togop eeppiigwi iigak kwe, it Ala apuri eeppiyoorak koonak wonage nogo ti, lek aga'lek awo aret wonage me, inagabiti mbakwi iyo, apuri yoraawak nduk, yoriyak, yokkigi o. Tile nen ari logonet, An aaninggin-paaninggin inoba piige neenok, nonggop eekwi iyaamun? yinuk, inabut mbanikit nduk, aakumi iniki nggagangge mbaremenggi, it Ala apuri o Timirina ineebe keele maarogo o mbuuluk me mambiyamenggaarak wonogwe iigak, nogo aap ambit eenggi aret yugun o. It nogo nen, Eeppinanugwi iigak, kambi noorak kuli ariyak op aret o, yinuk, mondok inogogumbuk logonet, waganggwi iinok, mondok-mondok ineenik logorak mendek nggare-nggare mendaarak nogo yippiyaagin o.

Wayu 2:17

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok liirogon aret konenggo logowak o. It Ala wone mbo pega'lek nu'lek porogo logonet liirogon mugurok nogwe iinok, mbi mbogut paga mendek kumaarak wonage nogo wogorage, ndi, it waamenggaarak nogo mban ineenu logowak nduk, inendage ngget toonogo yugum yanggwi negen lan ari nogo paga liiru mbanogo wogorage, eerigin o, yinuk, wone yi yagarak nogo abok aret at malayikat Ala apuri o Peragamut kuwak eekwi inarum menggerak nogo nen apuri yoraawak nduk liiru mbanogo nappu o.”

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.