Lukat 18:21 - Ala Wone Peenok Peebi Mbanak

²¹ Yoge mbareegi, aap nogo nen, “An wone ti, abok aret wulaga mbuuluk paga nen liirogon aret eeke minggirak o.”

Lukat 18:21 ပူးပေါင်းရင်းမြစ်များ

Lukat 15:29

oweeluk nogo nen ogoba yoge logonet, Karuk logot o. An yi tahun ndi tahun kake yabu eeke minggirak o. Ndi, eeke logonet, Yogop ee'nu, ndogop ee'nu, yo'nege nogo neebi yaga'lek mondok eerit mban nege minggirak kwe, kambin aagaluk ambiriluk ambi an noreewi ninom niniki ale'nggen logonet, larogo noorak nduk, abu wo'nega'lek aret menggendak kwe,

Lukat 15:7

Ti ndak-ndak aap 99 iniki nen, Nit niniki abe koonak me, nit maluk nano mbo puurak o? yinuk, iniki koombunuk, inomaluk mbo pega'lek iinok, it mbogut paga menggaarak iniki ale'nggen mbuuluk mbarugun kwe, it aap maluk eeko menggaarak ambiriluk ambi nen maluk eeke nagagerak nogo, iniki koombunuk, mbo pege kenok perak, it mbogut paga menggaarak malayikat nogo iniki ale'nggen nggwok lombok mbako logogun o, yinuk, yokkiragi,” yoragagerak.

Lukat 18:20

Yoge nagagerik, “Wone yogop ee'nu, ndogop ee'nu, yereegerak wone yugu ti, Kumi ugun wurinaburak mage o. Aap wariyak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o. Kinagalo-kinogoba inayuk wuko logonet, inoone liirogon konenggo logonip o, yinuk, yereegerak wone nogo kat keenu aret o.”

Lukat 18:22

Yoge nogo at Yetut konengge nagagerik, “Wone ti abok aret eeke menggendak kwe, ambiriluk perak, eeka'lek keegirak nogo yokkiri o. Kat kamendek abok aret onggo mbanogo it aap inamendek lek nogo tumburira nak o. Tumburira nage keenok, kamendek abe mendek mbogut paga wonage kaamunggun o. Ti eeke logomenggendik, nimbirak nugu logowok nduk, wa'nu o,” yinuk, yoreegerak.

Pilipi 3:6

Wone ti nogo, niniki kundugu lombok logonet, Ala apuri kuwak eerit nogo menggaarak nogo piyak-payak eerogo inoorit nege nagagirak. Obeelom eekkolaawak nduk, Muta wone ndak-ndak eeko menggaarak nogo, an togon ndak-ndak aret eeke nagagirak me, aakumi ambi nen inoone noba panega'lek aret wonogogwaarak.