Lukat 17:4 - Ala Wone Peenok Peebi Mbanak

⁴ Ndi, aap ambi nen ne ambi paga ne 7 maluk eeppinagage logomenggerik, iniki koombunuk, An maluk eeppinagagirak o, yinuk, eekerak ndak-ndak ne 7 paga yokkira wage kenok, kit nen ne 7 paga aret omaluk mi eerogo mbo pogo logonu o,” yinuk, yoragagerak.

Lukat 17:4 ပူးပေါင်းရင်းမြစ်များ

Matiyut 18:16

Ndi, aruk liirogon konengga'lek kenok perak, Aap mbere-kenagan inaruk iigak yogwi iinok, Abet aret, mbako menggaarak me, aap ambit a, mbere a, wogoret, kinom yori nanu o.

Matiyut 18:35

Yoge nagagerik, “Kit kinoreewi maluk eeppinagagwi nogo, kinalitak lombok abet aret kinami eerogo piigwi lek kiinok, an nogoba mbogut paga mendek nen kit togop aret eekkinabigin o,” yinuk, yoragagerak.

Matiyut 5:44

kinogoba mbogut paga mendek nogo nen oonegen unde logonet, it aakumi abu maluk mendek inom, obeelom mendek inom, iniki koonak menggaarak inom, iniki koonak lek menggaarak inom, abok aret inabuwa nen obeelom eeppiige logonet, inambi op aruwak nduk, o kibi wogorage, o mayu wogorage, eeke menggerak me, kinogoba mbogut paga mendek apuri arubagip nduk, it kinom ogoorak monggotak nogo kiniki kunik eeginakwi, ndi, it piyak-payak eekkinako menggaarak nogo, inake tamban eekwi, eeko logonip o, yinuk, yokkiragi o.

Matiyut 6:12

Ndi, it aap nit maluk eerogo pinanugwi nogo, ninami eerogo piigo monggo kwak, Kat nen nit ninomaluk lek eerogo pinanu o.

Lukat 17:5

Yorage mbareegi, it nappiyareegerak nogo nen, “Ninogoba o. Niniki koba panggombunuk, abet kombakwi nogo ambinom kole aruwak nduk, ee'ninabu o.”

Oroma 12:20

Ala yoge kagak aap ambi nen ari logonet, “Kinawim nogo mbi abu kenok, mbi nawak nduk, wogogwi, Niyo abu, ari kenok, niyo nawak nduk, wogogwi, Eeko logonip o. Ti eekwi kiinok, mo kik-kik negen kaawak nduk, eeppumunggup o,” yinuk, yereegerak liiru mbanak nogo ndak-ndak aret eerit nogo logonip o.