Lukat 17:21 - Ala Wone Peenok Peebi Mbanak

²¹ It aakumi nen kunduk, Yime wonage yi kaanip o. Time wonage ti kaanip o, yokkiraga'lek kagak aret woraagin o. Ala abu'me pinagarak ti, muk kit kinenggela'me wonage mbako logonip o,” yoragagerak.

Lukat 17:21 ပူးပေါင်းရင်းမြစ်များ

Matiyut 12:28

Ndi, an nen Ala Aberiniki nogo paga kugi nggiginogo wumbiige neenok perak, Ala abu'me pinagarak muk kinowagam aret wagaarak, mbako logonip o.

Marakut 13:21

Ti eyom paga aap ambi nen, Keritut nogo, yi kaanip o, yokkirogwe, ndi, aap ambi nen, At nogo ti kaanip o, yokkirogwe, eekwi iinok, kiniki abet aret mbarubok o.

Lukat 17:23

It aakumi nen, Eebe yime wonage me, pekka woraanip o. Time wonage me, pekka nanip o, yokkirogwe iinok, muguret noobok o.

Lukat 21:8

Yogo mbareegwa, at Yetut nen yorage logonet, “Aakumi nomongginakwi iyo, kiniki tum wakkologo logonip o. It aakumi apit an nendage kunit wogo logonet, at ambi nen, At woroorak nogo ti, an aret wagi o, ari, ndi, at ambi nen, At woroorak eyom muk panggo yi wagaarak o, ari, agan woraagun me, inoone konembunuk, muguren noobok o.

Yaya 1:26

Yogo mbareegwa, at Yaya nen, “Lek o. An aakumi yiime wuppiige minggirak aret kwe, aap ambi kit liippega'lek kiigak, wambi wagagerak kinenggela'me wonage o.

Yaya 18:36

Yoge mbareegi, Yetut nen at yoge logonet, “An nendagembogut logonet, nabu'me piige menggim nogo ti, o nggween paga yime lek o. Nabu'me piige menggim o nggween paga yime logonetak en, an neebe waganogo it aap Yakuri wogorogwe iyo, an nawuri inom wim nambuko logonetak o. An nabu'me piige minggim nogo ti, o alik ambi me wonage o.”

Kolote 1:27

Wone alik negen mondok iya lombok eeppinaniyak kagak kumaarak wonagagerak nogo, at Ala nen, “Peebi aakumi endekem konenggulik mendek inom ineenu eeppiyaakit,” mbareegerak nogo, yogondak iluk aret it at apuri ineenu eeppiigerak o. Wone kumaarak wonagagerak eebe nogo ti, Keritut ninom kunik wonogwe nogo aret. Ndi, ninom kunik me, peebi at ninom ndak-ndak tiyanak logowok nduk, eeppinaniyak niniki lunik wonogwe abet aret kola nagun nineenu ee'ninake niniki me wonage nogo ti, Keritut aret o.