Lukat 17:2 - Ala Wone Peenok Peebi Mbanak

² Aap ambi nen elege-aabologwe yi, maluk eeruwak nduk, inikime manabi wagaatak paga maluk eekwi iinok, yugum nggwok gandum yigika waganogo aap ti, enggaanok me, keele yilinogo yi yenggenak laut inikime mbo mambuurak op o.

Lukat 17:2 ပူးပေါင်းရင်းမြစ်များ

Yetaya 40:11

Aap ambi andomba ndegeninake menggi kwak andomba ndegeninake, Ndomba aagalogwe waganogo ogome wogonake, Wogoren nage logonet, aagalogwe inelak kuninake kagak toriige, Eeke agaarik o.

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.

Matiyut 17:27

Yoge mbareegi, Yetut nen, “Ti kenok, inapuri ti pugulik we aret menggaarak kwe, nit pega'lek niinok ineebi ninombakwi iyo, kat yi yenggenak me nage logomenggendik, ikan keele mbo mambunuk, ikan ambi aa'nduk wa'nage kenok, ambe paganogo punuk, wu ambe me wonage nogo wagangge logomenggendik, peenok an nake pege, ndi, peenok kat kake pege, eeri woraamunggun o,” yinuk, yoreegerak.

Matiyut 18:10

Yorage nagagerik, ambinom yorage logonet, “It elege-aabologwe inarum wako menggaarak malayikat nogo nen an nogoba mbogut paga mendek enggaanom paga mondok-mondok paganogo yogo menggaarak me, kit nen elege-aabologwe yi, meek inombakwi kiyo, kiniki liippogo logonip o.

Matiyut 18:14

Togop me, kinogoba mbogut paga mendek nogo nen it elege-aabologwe yi, ambiriluk ambi kobak ariyak abu eebi mbake menggerak o,” yinuk, yoragagerak.

Matiyut 26:24

An aap aret nda'nagagirak yi, an eeriminggirak nabok wone liiru mbanak ndak-ndak eeri nagin kwe, at aap it aakumi neebe nooruwak nduk yoramenggerak ti perak, abuwa o. At nda'nariyak lek mendek aret nda'nagagerak o.”

Marakut 9:42

Yorage nagagerik, ambinom yorage logonet, “It aakumi nen elege-aabologwe iniki noba panggombunuk abet nombako menggaarak yi, maluk eeruwak nduk inikime manabi wagaatak paga maluk eekwi iinok ti, yugum nggwok gandum yigika waganogo aap ti, enggaanok me keele yilinogo yi yenggenak laut inikime mambuurak op o.

Yaya 21:15

Mbi nonggo mbareegwa, at Yetut nen Timon Peterut nogo yoge logonet, “Yaya aput Timon wae! Kat koreewi yi, mbuuluk iniki kunik ee'nakwi iigak, kat nggwok togon kiniki kunik ee'nake ilik, lek a?” Yoge mbareegi, at Peterut nen, “E o, nogoba. An niniki kunik eekkake nogo, kat keenu aret o.” Yoge mbareegi, at Yetut nen, “An nandomba mbuulogwe ndegeninake logot o.”

1 Korindut 9:15

Koonogo pereegerak kwe, “Kinamendek ambi wo'ninip o,” yinuk, an yokkirage logolik o. Ndi, yogondak kunduk, kit ambi eeppanubagip nduk, liiru yi mbanggirage lek mban. An kambuurak op aret mbake kwe, “An Ala ake pugu waagin abu lek o,” ari minggirak ti, iya lombok mbake me, aakumi nen lek eerogo paniyak lek aret o.

1 Korindut 9:22

Ndi, it aakumi iniki awo kole aga'lek mendek nogo iniki kole eerogo piyaakit nduk, it inenggela'me logonet, it eeko menggaarak an ndak-ndak aret eeke minggirak. An yi aap ndi aap abok inenggela'me nege logonet, it ambitak Ala nen inagap ndaruwak nduk, it eeko menggaarak abok aret an ndak-ndak eerit nage minggirak.