Lukat 17:18 - Ala Wone Peenok Peebi Mbanak

¹⁸ It ando nogo lek aap nggiru yi mban Ala endage wogoppuurak nduk, iyok paga yungguninuk wagaarak ya?”

Lukat 17:18 ပူးပေါင်းရင်းမြစ်များ

Ndawi 106:13

Eereegwaarak kwe, Eeginabit wage nagagindak nogo mbet-mbet inami ogwe, “Aliku ALA nen yo'niraawak o,” yinuk, tokkeega'lek iniki koombunuk aret eekwi, Eeko logonet,

Ndawi 50:23

It aap an, Wa, yo'nogo logonet, Warogo wo'nugwi paga nendage tiyappanugo logogun o. Ndi, it inaru koonogo pakwi iinok ti, Inagap ndariyak wone nogo An nen ineenu eeppiige logogin o,” yinuk, yorage logogin o.

Yetaya 42:12

It o irip-irip nggween ku'mbanak me wonogwe nogo abok aret Aliku ALA endage tiyappugwi, It wonogo menggam nogome Aliku ALA endage tiyanak me, yoranet nugwi, Eeko logowak o.

Matiyut 19:30

Aap ambik inaa'nduk mendek nogo ti, peebi arugun, ndi, peebi mendek nogo ti, inaa'nduk arugun o, yinuk, abet aret yokkiragi o,” yoragagerak.

Matiyut 20:16

Togop me, it peebi mendek nogo ti, inaa'nduk ogwe, ndi, inaa'nduk mendek nogo ti, peebi ogwe, eerugun o,” yinuk, yoragagerak.

Matiyut 8:10

Yoreegerak nogo at Yetut aruk konengge nagagerik, “Wi!” yinuk, pi wake logonet, at inom wogwe nogo yorage logonet, “It Iterali mendek inenggela'me nen aap iniki mondok iya lombok abet nombake yogop ambi an kaga'lek aret agarik o, yinuk, abet aret yokkiragi o.

Matiyut 8:12

it ando, Ala abu'me pinaniyak nit aret, mbakwi nogo perak, ineebe o apit me endekem time mbo nappiyamenggerak logonet, leenggu maakwi, ineyak nggilik maakwi, eeko logogun o, yinuk, yokkiragi o,” yoragagerak.

Matiyut 9:8

Ti eereegerak nogo, it aakumi inigen kogo nogogwaarik, inagabiti a'nuk, “Ala nen it aakumi togop eeko logowak nduk, unde eerogo mippiige menggerak me, iya!” yinuk, wogoppereegwaarak.

Lukat 17:17

Aap nogo Yetut, “Wa!” mban yoge mbareegi, at Yetut nen, “Aap ineebe 10 obeelom agaarak nogo lek a? Ineebe 9 nogo nggeeme naga o?

Wayu 14:7

ari nagaarik, “Mbogut inom, nggween inom, niyo nggwok yenggenak laut inom, niyo eneeri wundit nage menggim inom, at Ala nen mban wakkagagerak me, yogondak Ala nen kinowak loongginaburak eyom abu koorok panggo yegerak me, kinagabiti nen at Ala mban ayuk wuko logonet, at abu'me tebe yinuk, endage tiyappogo logonip o,” yinuk, oone nggwok paga agan nage kagarak.