Lukat 16:9 - Ala Wone Peenok Peebi Mbanak

⁹ Nggween paga mendek aakumi ineenggi warak eekkologo menggaarak nogo paga aakumi yeenggwaaranet nogo logonet, lek age kenok, o mondok obeelom menggim time nen keyage warogo wokkinabuwak nduk, nggween paga mendek nogo paga kinoreewi kinom kunik eeginabit nugu logonip o, yinuk, yokkirage agarik o.

Lukat 16:9 ပူးပေါင်းရင်းမြစ်များ

Ndawi 73:26

An neebe inom, niniki inom, abu ndeyak ee'nabit unggwage kwe, Nayugum lunik kwak an niniki Ala kat paga panggonak wonage, Neyate kwak kat paga niniki mondok lunik wonage, Eeke agarik o.

Kini Wuppiige 14:24

Aap iniki warak nen iniki warak logonet eekwi paga inendage tiyappiigo menggaarak kwe, Aap iniki lek wi nen perak, wi negen eerit nugwi paga wi aret inombako menggaarak.

Kini Wuppiige 19:17

Aap ambi nen aap ineenggi lek inabuwa nen wogorage ti, Aliku ALA wogorukwak wogorage me, Aliku ALA nen onggo aap ti wogorigin o.

Kini Wuppiige 23:5

Towe pen ware oo'nu enaabit wungge nagaatik, wiga agan ogona time iyok lek lek ari nage menggi kwak, Kamendek wonage ti, kenegen awo pekkage keegak, aret lek arigin o.

Wone Alom Kibingga 11:1

Kat kambi ugun niyo ogumbaga yumbunogo nappege keenok, ne mande negen logonuk, kowagam ari wage kaamunggun o.

Yetaya 57:16

An neegak it aap iniki lek-lek arit unggwogwe, An ogobakkigirogo piyareegirak inambe aagi lek ogwe, Eerukwak, Maluk eekotak o, yinuk, mondok-mondok lok togon yorage, Mondok-mondok nanini inoba piige, Eeke logogin lek o.

Ndaniyen 4:27

Togop aret me, nogoba kendagembogut wae. An wone yokkigirak ti, mbo pega'lek abet aret liippumunggun o. Kat maluk eeke menggendak ti, mbo punuk, aakumi eekwi nogo a'me nggelok eeppiinet nage, it aap ineenggi lek tebenak menggaarak nogo, inabuwa mba'nuk obeelom eeppiinet nage, eeke keenok, kiniki ugun tayenak logonet, kale'nggen paga eerit nage logomunggun o,” yinuk, yoreegerak.

Matiyut 19:21

Yoge mbareegi, Yetut nen, “Wulaga. An aap abu obeelom lombok logokit, mbake keenok, kamendek abok aret onggo mbangge logomenggendik, it inamendek lek nogo tumburira nak o. Tumburira nage keenok, kamendek abe mendek mbogut paga aret kolaamunggun o. Ti abu eeke logomenggendik perak, nimbirak nugu logowok nduk wa'nu o.”

Matiyut 6:19

Wone ambinom yorage logonet, “Nggween paga yime kit kinamendek yininuwo nibingge, yi'mbaani kungge, it aap yogoot wagangga nen tu kuurogo kinamendek wa unggwogwe, eeko menggam yime kinamendek kuwak eerogo pako logogup o.

Matiyut 6:24

Yorage nagagerik, ambinom yorage logonet, “Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi ombake logonet, ambi iniki kunik ombake, ndi, ambi nen eeriyak yoge nogo, yanggorogon eeke logonet, ambi nen eeriyak yoge nogo eebi ombake, eerigin o. Kit nen Ala inom, nggween paga mendek kineenggi warak eekkologwe nogo inom, imbirak lambumbunuk, mugurok noorak ti meek o.

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Lukat 12:33

Kinamendek paga wu kunggo logomonggotik, aap ineenggi lek kenok, wogoraanip o. It aap yogoot iyagalo kiraari unggwage, yininuwo nibini unggwage, eekeelik menggim mbogut paga time kinamendek abe, lek ariyak lek nogo mendek yonggolak logowak nduk, yumunggok awi nibik yuurak lek nogo mendek yirikkologo logonip o.

Lukat 14:14

kiniki ale'nggen ambik kaamunggun o. Ndi, it nen onggo wokkiriyak meek me, aakumi iniki abe koonak nogo ineenik a'nuk, mippiyoorak eyom nogo paga aret onggo wokkege kaamunggun o,” yinuk, yoreegerak.

Lukat 16:11

Togop me, yi mendek ndi mendek nggween paga mendek nogo liirogon unde wonogwe lek kenok, abe mendek unde logobagip nduk, ta nen unde eeppinagagin mbakop?

Lukat 16:13

Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi lombok mbake logonet, ambi iniki kunik mbake, ndi, ambi nen eeriyak yoge nogo yanggorogon eeke logonet, ambi nen eeriyak yoge nogo eebi lombok mbake, eerigin o. Kit nen at Ala inom, nggween paga mendek kineenggi warak eekkologwe nogo mendek inom, imbirak lambumbunuk, mugurok noorak ti, meek o,” yinuk, yoragagerak.

Lukat 16:4

Ata, endekem wumbanege kenok, aakumi nen an wo'naburak perak, op o, yinuk, iniki koongge nagagerik,

Nappiigak 10:31

Koreneliyut wae. Kat tamban eekendak nogo Ala aruk konengge, ndi, aakumi ineenggilek yeenggwaarage menggendak nogo, Ala enegen liippagage, eekerak me,

Nappiigak 10:4

Yoge mbareegi, at Koreneliyut ogut nage nagagerik, agabiti nen enegen looge logonet, yoge, “Nogoba o. Nonggop kenok wagan o?” Yoge mbareegi, at malayikat nen, “Lek o. Aakumi ineenggilek kenok yeenggwaarage, tamban eeke, eeke menggendak nogo ti, at Ala enegen liippagagerak me, iniki koba aberak wonage o.

2 Korindut 4:17

Yogondak piyak-payak eerogo pinanugwi yi, peebi eeppinaniyak ndak-ndak abu lek o. Peebi eeppinaniyak nogo ti, yi mendek ndi mendek tebenak kagak, nit tiyappinanemenggerak nogo mondok-mondok tiyanak logogun me, yogondak eeppinanugwi yi, “We luulu teeluk aret eeppinanugwi,” mbako ogoorik o.