Lukat 16:8 - Ala Wone Peenok Peebi Mbanak

⁸ Ayeloman eereegerak ogoba nogo konengge nagagerik, ayeloman at ambokan laganeegerak kagak kwe, iniki mondok iya lombok kooneegerak mbareegi, Wi! ireegerak. It aakumi inikiigun nggween paga mendek yogondak wonogwe nogo it inom eeko logonet, iniki ngget paga iya negen koonggo menggaarak kwe, it Ala apuri iniki eya aganabeegerak nogo perak, iniki lek logonet, meek negen koonggo menggaarak iigi o.

Lukat 16:8 ပူးပေါင်းရင်းမြစ်များ

Wakkagagerak 3:1

Ndi, at Aliku Ala nen yi mendek ndi mendek inigen mbolok kwi endekem nugu menggaarak ogobakkigireegerak nogo obeelom wonogwe iigak kwe, at waalo oone amburu ndik-ndik ari menggerak nogo nen kwe nogo yori wage logonet, “At Ala nen eyoonggen-kalenggen yabume yime yarak abok aret mbanogo noorak mage o, yokkiragaarak nogo abet ilik, lek a?”

2 Tamuwen 13:3

Eerak wonage me, Ndawut oweeluk Timeya aput Yonarap, Amonon oreeluk nogo, iniki ngget abok li'lak eenu me,

2 Endagembogut 10:19

it aap kugi Mba'an wone yoraga inom, it kugi Mba'an alut eeka inom, it kugi Mba'an unde inom, an nen kugi Mba'an ake nggwok lombok warogo wogoriyak me, it ambi puk ariyak lek tigitogon woraawak nduk, yoranet nogo logonip o. It ambit-ambi wogwe lek puk ogwe iinok, ineenik teppiyaagin lek inoorigin aret o,” yinuk, yoragagerak. At Yeku ti yoragagerak nogo ti, it kugi Mba'an mugurok nogo logonet, alut eeko menggaarak abok aret lek eerogo piyaakit mbake nagagerik, yoragagerak.

Ndawi 17:14

Kaliku ALA wae. It aakumi nggween paga mendek nen Nggween paga mendek mban kuwak eeriyak mbakwi yi, Inenggela'me nen keenggi omaawi paga nagap ndaru o. Aaninggin inoba piyoorak koonogo piigendak nogo Ambi mbo puurak mage o. Ata, abok aret nggwik togon inoba piige, Inapuri kunduk, ineyate kwak inoba kwippiige, Ndi, ando ndiinik inombowologwe inoba kwippiige, Eeru o.

Kini Wuppiige 12:8

Aap iniki warak ti ndak-ndak “Wi!” irogo menggaarak kwe, It aap maluk iniki nggolawe kenok perak, meek lombok eerogo piigo menggaarak.

Matiyut 12:32

Kit an aap aret nda'nagagirak nogo, kinoone miyuk-meya eerogo panugwi kiinok, kinomaluk ti, Ala nen lek eerogo pinagarak kwe, Aberiniki miyuk-meya eerogo pugwi kiinok perak, Ala nen o yogondak inom, peebi inom, kinomaluk ti, lek eerogo pinagagin lek o. Mondok itok kunik aret logogin o,” yinuk, yoragagerak.

Matiyut 17:26

Yoge mbareegi, Peterut nen, “Aap inambik aret yorogo menggaarak o.”

Lukat 16:10

Aap ambi nen mbuuluk eeriyak mendek liirogon aret eeke kenok, nggwok eeriyak mendek ndak-ndak liirogon aret eeke logogin o. Ndi, aap ambi nen mbuuluk eeriyak mendek abe eeka'lek kenok, nggwok eeriyak mendek ndak-ndak abe eerigin lek aret o.

Lukat 16:4

Ata, endekem wumbanege kenok, aakumi nen an wo'naburak perak, op o, yinuk, iniki koongge nagagerik,

Lukat 16:7

Yoge nagagerik, at ambi yoge logonet, Ndi, kat perak, kogoba anomat mbanak mande wonage? Yoge mbareegi, aap nogo nen, Gandum karun 100 yonggolak mbanak wonage o. Yoge mbareegi, ayeloman nen, Anomat liiru mbanak yi, waganogo obaane'me karun 80 mban liiru mbanu o, yoge nagagerik, it ando apit togop mban yoragagerak.

Lukat 18:6

Yorage nagagerik, at ninogoba Yetut nogo nen, “Aap wone owak loongga nen wone abe owak loongge logolik kwe, yereegerak nogo koneninip o.

Lukat 20:34

Yogo mbareegwa, at Yetut nen, “It aakumi yogondak wonogwe yi, aap nen kumi wogonakwi, kumi nen aap wogonakwi, eeko menggaarak kwe,

Lukat 20:35

at Ala nen, It aap yi obeelom aret me, ninom logowok nduk, kambunuk nogo menggam nen ineenik agago mippiyaakit, mbake nogo perak, Ala nen mippiige mbaremenggi inom logonet, aap nen kumi wogonakwi, kumi nen aap wogonakwi, eeko logogun lek aret o.

Yaya 12:36

At eya eekkinake nogo kinom logonet, at apuri arubagip nduk, kiniki eya nogo oba panggombunuk, abet mba'nip o,” yinuk, yoragagerak. Wone nogo yorage nagagerik, at Yetut nogo aakumi mbo piinok, at kwaakkogwe iyo, kumaa'nari nagagerak.

1 Korindut 3:18

Kit nen, “An abu neenu,” mba'nuk, eekko'net nugwi paga kinambokan laganggologwe me, togop mbarugup o. It aakumi nggween paga mendek nen, “Nit abok nineenu me, niniki warak aret o,” yinuk, mbakwi ndak-ndak, kit ambi togoti mbakwi kiinok, Ala nen kiniki warak kinombaruwak nduk, wi negen a'nuk, logonip o.

Epetut 5:8

Kit aa'nduk o apit paga nogo nogogutak kwe, yogondak kinowe nen muk eya eerogo pinagareegerak me, Ala apuri eya paga logonet, eeko mengga kwak, kit togop aret eerit nogo logonip o.

Pilipi 3:19

It aap ti nen nggween paga mendek mban abekwi, inaanogum ake mban tiyappugwi, inenggali ariyak kagak wogoppakwi, eeko menggaarak me, Ala nen mondok lek eerogo piyaagin kwe,

1 Tetalonika 5:5

Kit abok aret aakumi o apit paga logonet eeko menggaarak nogo pogom lek o. Ata, eya paga logonet eeko menggaarak mendek kit aret o. Ndi, it aakumi oonikiya paga eeko menggaarak pogom kit lek mban. Ata, it liingge eeko menggaarak nogo pogom kit aret me,

1 Peterut 2:9

kit perak, o apit me wonogwe nogo mbo punuk, o eya iya lombok kenok, aakumi nen, “Wi!” ugo menggam nogome logobagip nduk, Ala nen kinayonggo pereegerak nogo at eeke menggerak mendek paganogo yorogo logobagip nduk, “Kit an mendek aret o,” yinuk, miirogo pinagage, “Kinendagembogut logonet, an neebe unde logorak kit aret o,” yinuk, mippinagage, “Kit an napuri maluk eeka'lek nake leenak logomunggup o,” yinuk, leenogo pinagage, ndi, “Kit an napuri lombok aret o,” yinuk, eekkinake, eereegerak o.

1 Yaya 3:10

Ala apuri inom, Tile apuri inom, nano paga nineenu ariyak nogo yi aret. It aakumi obeelom eeka'lek maluk mban eekwi, inowe-inawot iniki kunik eekwi lek ineebi mbakwi, eekwi iinok ti, Ala apuri lek aret yelok iigo monggoorak.